27-28 ნოემბრის აფხაზეთის სახელმწიფო ანსამბლი "შავნაბადა" გერმანიაში, ქალაქ რეგენსბურგში, თანამედროვე ცეკვის თეატრის ,,სოსანის“ მიერ წარმოდგენილ სპექტაკლში მიიღებს მონაწილეობას.

სპექტაკლი სახელწოდებით “კოდი” აერთიანებს ქორეოგრაფიასა და მუსიკას, გერმანელ და ქართველ ხელოვანებს - და ტრადიციულ ქართულ მუსიკას მსოფლიო თანამედროვე მუსკის ელემენტებთან.
სპექტაკლი მოგვითხრობს იდენტურობის, ტრადიციურობისა და თანამედროვეობის, აწმყოსა და მომავლის, პიროვნული თავისუფლებისა და ბედნიერებისკენ სწრაფვის შესახებ.

2010 წელს თეა და გიორგი სოსანაშვილებმა რეგენსბურგში ცეკვის თეატრი „სოსანი“ დააფუძნეს. 2013 წელს, კი მათ შექმნეს „სოსანა არტ-ზონა“ - თანამედროვე ცეკვის თეატრისა და პერფორმანსის საერთაშორისო სივრცე. თითქმის 10 წელია, ცეკვის თეატრი მსოფლიოს სხვადასხვა ქვეყანაში წარმატებით მოგზაურობს. მათ შემოქმედებაში ,,კოდი“ პირველი დადგმაა, სადაც ქართული ტრადიციული მუსიკა ჟღერს.
ცეკვის თეატრის -"სოსანის" მიერ შექმნილი სპექტაკლის, "კოდის" პრემიერა 27-28 ნოემბერს გერმანიაში თანამედროვე ცეკვის ფესტივალზე - "რეგენსბურგის ცეკვის დღეების" ფარგლებში გაიმართება.

სპექტაკლში ქართულ ტრადიციულ მუსიკას "შავნაბადა” შეასრულებს. დადგმა დასრულდება საგალობლით “შენ ხარ ვენახი”, რომლის არანჟირებაც მიშა მდინარაძეს ეკუთვნის.