ხე­ლოვ­ნე­ბის სა­სახ­ლის დი­რექ­ტო­რი, ის­ტო­რი­კო­სი გი­ორ­გი კა­ლან­დია სო­ცი­ა­ლურ უნი­კა­ლუ­რი ნივ­თის შე­სა­ხებ წერს, რო­მე­ლიც რესტავრატორებმა თითქმის განადგურებული აღად­გი­ნეს. სა­მეგ­რე­ლოს სამ­თავ­რო ოჯა­ხის კუთვნილ მა­გი­დას­, რო­მე­ლიც წლე­ბის განმავლობაში ნეს­ტი­ან სა­ცავ­ში ნადგირდებოდა, რესტავრატორებმა პირ­ვან­დე­ლი იერ­სა­ხე დაუბრუნეს.

"ვიცი, ცოტა და­უ­ჯე­რე­ბე­ლი ამ­ბა­ვია, თუმ­ცა სი­მარ­თლეა... აი, ეს მა­გი­და სა­მეგ­რე­ლოს სამ­თავ­რო ოჯახს ეკუთ­ვნო­და, იგი რამ­დე­ნი­მე ათე­უ­ლი წელი და­დი­ა­ნე­ბის სა­სახ­ლის ნეს­ტი­ან სა­ცავ­ში, შე­უ­სა­ბა­მო პი­რო­ბებ­ში ინა­ხე­ბო­და... სამ­წუ­ხა­როდ, მისი არ­სე­ბო­ბის შე­სა­ხებ არა­ფე­რი ვი­ცო­დი... ძა­ლი­ან მად­ლი­ე­რი ვარ მუ­ზე­უ­მის დი­რექ­ტო­რის და­ვით ოყუ­ჯა­ვა­სი და ფონ­დის მცვე­ლის ლალი ჭი­თა­ნა­ვა­სი, სწო­რედ მათი წყა­ლო­ბით, 2022 წელს, გახ­და ჩემ­თვის ცნო­ბი­ლი ამ უნი­კა­ლუ­რი ნივ­თის და მისი პრობ­ლე­მის არ­სე­ბო­ბა.. ფო­ტო­ებ­ზე კარ­გად ხე­დავთ, რო­გო­რი იყო უძ­ვირ­ფა­სე­სი მა­გი­დის მდგო­მა­რე­ო­ბა რეს­ტავ­რა­ცი­ამ­დე, დაშ­ლი­ლი, და­ქუც­მა­ცე­ბუ­ლი, სი­ნეს­ტის­გან თით­ქმის და­ფერ­ფლი­ლი...

ერ­თა­დერ­თი ის ვი­ცო­დი, რომ ასეთ მდგო­მა­რე­ო­ბა­ში მა­გი­და არ უნდა და­მე­ტო­ვე­ბი­ნა და გა­და­სარ­ჩე­ნად ხე­ლოვ­ნე­ბის სა­სახ­ლე­ში უნდა წა­მო­მე­ღო... სწო­რედ ასე­თი უნი­კა­ლუ­რი ნივ­თე­ბის სა­რეს­ტავ­რა­ცი­ოდ კულ­ტუ­რის მი­ნის­ტრის ინი­ცი­ა­ტი­ვით, და­ი­სა­ხა გრძელ­ვა­დი­ა­ნი პროგ­რა­მა... ქარ­თვე­ლი რეს­ტავ­რა­ტო­რე­ბი, მათ შო­რის ირაკ­ლი ზამ­ბა­ხი­ძე ხის ხე­ლოვ­ნე­ბის ნი­მუ­შე­ბის რეს­ტავ­რა­ცი­ის შე­სას­წავ­ლად კრა­კო­ვის ეროვ­ნულ მუ­ზე­უმ­ში მივ­ლინ­დნენ.. პა­რა­ლე­ლუ­რად ხე­ლოვ­ნე­ბის სა­სახ­ლემ მო­ამ­ზა­და ზუგ­დი­დის და­დი­ა­ნე­ბის სა­სახ­ლე­ე­ბის სა­რე­ა­ბი­ლი­ტა­ციო პრო­ექ­ტი და იგი 2022 წელს ჩვენ­მა დიდ­მა მე­გო­ბარ­მა ამე­რი­კის შე­ერ­თე­ბუ­ლი შტა­ტე­ბის სა­ელ­ჩომ და­ა­ფი­ნან­სა...

უმოკ­ლეს დრო­ში წარ­მო­უდ­გე­ნე­ლი სა­მუ­შაო ჩა­ტარ­და... ოქ­როსხე­ლე­ბა ქარ­თველ­მა რეს­ტავ­რა­ტო­რებ­მა: ლელა გურ­გე­ნაშ­ვილ­მა, გე­ნა­დი ჯა­ჯა­ნი­ძემ, გივი ლომ­თა­თი­ძემ, ზურა ქა­რელ­მა და ვახო მდი­ნა­რა­ძემ, ირაკ­ლი ზამ­ბა­ხი­ძის მო­ნი­ტო­რინ­გით, აი, ეს შე­დე­გი და­დეს... მა­გი­და გა­დარ­ჩე­ნი­ლია, ის „ფერ­ფლი­სა­გან აღ­სდგა“.. ერ­თობ­ლივ­მა ძა­ლის­ხმე­ვამ წარ­მო­უდ­გე­ნე­ლი შე­დე­გი გა­მო­ი­ღო... ჩვე­ნი ევ­რო­პუ­ლი ის­ტო­რი­ის კი­დევ ერთი მე­ტყვე­ლი ძეგლი სულ მალე გა­მო­ი­ფი­ნე­ბა ზუგ­დი­დის და­დი­ა­ნე­ბის სა­სახ­ლე­ში" - წერს კა­ლან­დია.