მაია ჩეკურიშვილი პროფესიით ფილოლოგია. თუმცა სხვა გატაცებებთან ერთად, ასევე იტაცებს არქიტექტურა და დიზაინი. იქნება ეს ინტერიერის, ექსტერიერის თუ ბაღის დიზაინი. ალბათ სწორედ ამ ინტერესმა და ყვავილების სიყვარულმა განაპირობა, რომ ლანდშაფტის დიზაინერთან ერთად ულამაზესი ბაღი გაეშენებინა, სადაც სხვადასხვა ჯიშის, ფერის, სურნელის ყვავილს შეხვდებით.
- ჩემი ბაღი მდებარეობს წავკისში და გაშენებულია 1300 კვ.მ-ზე. აქედან სახლს 300 კვ.მ უკავია, დანარჩენი კი - ბაღს. ბაღის მშენებლობა დავიწყეთ 2015 წელს ცარიელ ტერიტორიაზე, სადაც ერთი ბუჩქიც კი არ იყო.
- რამდენი წლის შედეგია ის, რასაც დღეს
ვხედავთ?
- ის, რასაც დღეს ვხედავთ, ექვსი წლის შედეგია.
- როგორც ვიცი, თქვენი ბაღის ავტორი და შემქმნელი პროფესიონალი ლანდშაფტის დიზაინერი თამარ თავართქილაძეა. როგორ მიმდინარეობდა ბაღის შექმნის პროცესი და რამდენად ემთხვეოდა თქვენი გემოვნება?
- დიახ, ჩემი ბაღის ლანდშაფტის არქიტექტორი, დიზაინერი, ავტორი და სულისჩამდგმელი თამარ თავართქილაძეა. ის თავისი საქმის ნამდვილი პროფესიონალია, საოცრად ნიჭიერი, შრომისმოყვარე და გემოვნებიანი ადამიანია. ჩვენი გემოვნება ძალიან ემთხვევა (თავის ქება გამომივიდა), ამიტომ ჩემთვის თამუნასთან თანამშრომლობა დიდი სიამოვნება იყო და არის დღემდე, რადგან თავს არ ვანებებ, ყოველ წამს ვურეკავ, ვაწუხებ და აზრს ვეკითხები. მის გარეშე ჩემი ბაღი ასეთი ლამაზი ნამდვილად ვერ იქნებოდა. თავდაპირველად გაკეთდა პროექტი, დაიგეგმა სარწყავი სისტემა და მერე დაიწყო ყვავილების შერჩევის პროცესი. არც ერთი ყვავილის დასახელება არ ვიცოდი (ვარდის გარდა), ამიტომ თამუნა ფოტოებს მაჩვენებდა და ყვავილებს ვიზუალურად ვირჩევდი. დღეს კი შემიძლია ვთქვა, რომ, მგონი, კარგი მოსწავლე ვარ. იმდენი რამ ვისწავლე და იმდენი ყვავილის და მცენარის დასახელება ვიცი, თვითონაც მიკვირს, როგორ ვიმახსოვრებ ამდენს.
- რა უპირატესობა აქვს დიზაინერის მიერ შექმნილ ბაღს?
- ბაღი აუცილებლად პროფესიონალმა ლანდშაფტის არქიტექტორმა უნდა შექმნას, შენ კი აქტიურად უნდა იყო ჩართული ამ პროცესში. მხოლოდ ლამაზი ყვავილების შერჩევა არ არის საკმარისი. აუცილებლად უნდა იცოდე, რომელ ყვავილს და მცენარეს უყვარს ამომავალი მზე, რომელს - ჩამავალი და რომელს - ჩრდილი. კომპოზიციაც ამის მიხედვით უნდა შეიქმნას. მხოლოდ საკუთარი ძალებით ამას ვერ შეძლებ. ზუსტად უნდა იცოდე, რომელი მცენარე და ყვავილი გაიხარებს შენს ბაღში და ლამაზი კომპოზიციის შექმნა შემდეგ უკვე დიზაინერთან შეთანხმებით უნდა მოხდეს.
- რა თქმა უნდა, მნიშვნელოვანი და რთულია ბაღის შექმნის პროცესი, თუმცა, არანაკლებ მნიშვნელოვანია, როგორ მოუვლი და შეინარჩუნებ უკვე შექმნილს. რამდენად რთულია ასეთი ბაღის მოვლა და რა სამუშაოების ჩატარება გიწევთ ბაღში?
- ბაღის მოვლასაც, რა თქმა უნდა, პროფესიონალი სჭირდება. ყვავილების სახელები შეიძლება ისწავლო, მაგრამ მოვლის პროცესი ძალიან რთულია. ამას ჩემს ბაღში არაჩვეულებრივად ახერეხებს ნამდვილი პროფესიონალი მებაღე ვახტანგ ბარათაშვილი. მის გარეშე ჩემი ბაღი პირვანდელ სახეს ვერ შეინარჩუნებდა. ბაღის მოვლის პროცესში მე ნამდვილად არ ვარ ჩართული. თუმცა ყვავილების და მცენარეების ადგილის შეცვლა, დამატება, კომპოზიციის განახლება და ვიზუალის შეცვლა კი ძალიან მიყვარს.
- ძალიან მრავალფეროვანია თქვენი ბაღი, უამრავი მცენარე და ყვავილია თავმოყრილი. წლის რომელ საეზონზე რა ყვავლები ყვავიან ბაღში?
- ადრე გაზაფხულიდან - გლიცინია, ვეიგელა, ჟასმინი, პიონი, პირაკანტა, ჩიტავაშლა, როდოდენდრონი. ხეხილიდან: წითელი ტყემალი, ვაშლი, ალუჩა, ალუბალი, შავი ქლიავი. მაისიდან იწყებს ყვავილობას ვარდების ნაირფეროვანი სახეობა. ზაფხულში - ირმის რქა, ლავანდა, გვირილები, ფლოქსები, ლოროპეტალუმი, პეროვსკიე, სანტოლინა, აბელია, ზამბახი, კლემატისი, ასტილბა, სპირეა, კლეროდენდრონი, გორტენზია, პოტენტილა, სალვია, ლილია. რაც შეეხება შემოდგომას, ბაღში დარგულია ისეთი ხე მცენარეები, რომლებიც გვაძლევს ფერთა მთელ გამას: ქართული, კანადური და იაპონური ნეკერჩხალი, არყის ხე, კატალპა, ალუბალი, გინკო, სოფორა, გლედიჩია, წითელი და ყვითელი კოწახური. ზამთრში ეფექტის შესაქმნელად დარგული გვაქვს სხვადასხვა წიწვოვანი მცენარეების სახეობები.
- იყო მცენარე, ყვავილი, რომელმაც თქვენს ბაღში არ იხარა და თუ არის ასეთი, რა იყო ამის მიზეზი?
- იშვიათად, მაგრამ ჩემს ბაღშიც ყოფილა ისეთი მცენარე ან ყვავილი, რომელმაც ვერ გაიხარა. ამის მიზეზი ან ადრე გაზაფხულზე მოულოდნელი ყინვა, ან ზამთარში ნალექის ნაკლებობაა (წვიმა და თოვლი). ამან შეიძლება გამოიწვიოს მცენარის გაფუჭება.
- ზოგადად მცენარეების შერჩევის დროს რას ითვალისწინებთ ხოლმე?
- ვცდილობ, რომ მცენარე იყოს მრავალწლოვანი და გარემო პირობებთან შეგუებადი, რასაც არჩევის დროს ჩემს მებაღესთან ვათანხმებ. თუმცა პირველ რიგში ყვავილი ან მცენარე ვიზუალურად უნდა მომეწონოს.
- ზამთრის პერიოდში როგორია თქვენი ბაღი? როგორ ახერხებთ სილამაზის შენარჩუნებას?
- ზამთრის პერიოდში ბაღმა რომ სილამაზე შეინარჩუნოს, გამოყენებული გვაქვს წიწვოვანი მრავალწლოვანი მცენარეები: ვერცხლისფერი ნაძვი, ტუია (ოქროსფერი), გართხმული ღვიების სხვადასხვა ჯიში (ვერცხლისფერი, მწვანე და ღია ყვითელი), მინიატურული ფიჭვი, გართხმული ჩიტავაშლა (წითელ და ყვითელ ნაყოფიანები).
- რამეს დაამატებდით თქვენს ბაღს, თუ თვლით, რომ სრულყოფილია?
- ჩემთვის ჩემი ბაღი სრულყოფილია. უმნიშვნელო ცვლილებები თუ შემაქვს ხოლმე გაზაფხულზე და შემოდგომაზე. რაც შეეხება ეზოს, მას, ჩემი აზრით, მხოლოდ აუზი აკლია, რომელიც, ალბათ, მომავალი წლისთვის იქნება. პროექტი დასრულების ფაზაშია. მისი ავტორი არაჩვეულებრივი არქიტექტორი და ცნობილი მომღერალი, ბატონი მალხაზ თავართქილაძეა.
- ბინის დიზაინი თქვენ გეკუთვნით, თუ აქაც დიზაინერის მომსახურებით ისარეგებლეთ?
- თავდაპირველად მივმართე დიზაინერს დახმარებისთვის და მისი რჩევებიც გავითვალისწინე, მაგრამ საბოლოო გადაწყვეტილება, თუ როგორი უნდა ყოფილიყო ინტერიერი, მაინც მე მივიღე.
მერი ბლიაძე
- ჩემი ბაღი მდებარეობს წავკისში და გაშენებულია 1300 კვ.მ-ზე. აქედან სახლს 300 კვ.მ უკავია, დანარჩენი კი - ბაღს. ბაღის მშენებლობა დავიწყეთ 2015 წელს ცარიელ ტერიტორიაზე, სადაც ერთი ბუჩქიც კი არ იყო.
- რამდენი წლის შედეგია ის, რასაც დღეს
- ის, რასაც დღეს ვხედავთ, ექვსი წლის შედეგია.
- როგორც ვიცი, თქვენი ბაღის ავტორი და შემქმნელი პროფესიონალი ლანდშაფტის დიზაინერი თამარ თავართქილაძეა. როგორ მიმდინარეობდა ბაღის შექმნის პროცესი და რამდენად ემთხვეოდა თქვენი გემოვნება?
- დიახ, ჩემი ბაღის ლანდშაფტის არქიტექტორი, დიზაინერი, ავტორი და სულისჩამდგმელი თამარ თავართქილაძეა. ის თავისი საქმის ნამდვილი პროფესიონალია, საოცრად ნიჭიერი, შრომისმოყვარე და გემოვნებიანი ადამიანია. ჩვენი გემოვნება ძალიან ემთხვევა (თავის ქება გამომივიდა), ამიტომ ჩემთვის თამუნასთან თანამშრომლობა დიდი სიამოვნება იყო და არის დღემდე, რადგან თავს არ ვანებებ, ყოველ წამს ვურეკავ, ვაწუხებ და აზრს ვეკითხები. მის გარეშე ჩემი ბაღი ასეთი ლამაზი ნამდვილად ვერ იქნებოდა. თავდაპირველად გაკეთდა პროექტი, დაიგეგმა სარწყავი სისტემა და მერე დაიწყო ყვავილების შერჩევის პროცესი. არც ერთი ყვავილის დასახელება არ ვიცოდი (ვარდის გარდა), ამიტომ თამუნა ფოტოებს მაჩვენებდა და ყვავილებს ვიზუალურად ვირჩევდი. დღეს კი შემიძლია ვთქვა, რომ, მგონი, კარგი მოსწავლე ვარ. იმდენი რამ ვისწავლე და იმდენი ყვავილის და მცენარის დასახელება ვიცი, თვითონაც მიკვირს, როგორ ვიმახსოვრებ ამდენს.
- რა უპირატესობა აქვს დიზაინერის მიერ შექმნილ ბაღს?
- ბაღი აუცილებლად პროფესიონალმა ლანდშაფტის არქიტექტორმა უნდა შექმნას, შენ კი აქტიურად უნდა იყო ჩართული ამ პროცესში. მხოლოდ ლამაზი ყვავილების შერჩევა არ არის საკმარისი. აუცილებლად უნდა იცოდე, რომელ ყვავილს და მცენარეს უყვარს ამომავალი მზე, რომელს - ჩამავალი და რომელს - ჩრდილი. კომპოზიციაც ამის მიხედვით უნდა შეიქმნას. მხოლოდ საკუთარი ძალებით ამას ვერ შეძლებ. ზუსტად უნდა იცოდე, რომელი მცენარე და ყვავილი გაიხარებს შენს ბაღში და ლამაზი კომპოზიციის შექმნა შემდეგ უკვე დიზაინერთან შეთანხმებით უნდა მოხდეს.
- რა თქმა უნდა, მნიშვნელოვანი და რთულია ბაღის შექმნის პროცესი, თუმცა, არანაკლებ მნიშვნელოვანია, როგორ მოუვლი და შეინარჩუნებ უკვე შექმნილს. რამდენად რთულია ასეთი ბაღის მოვლა და რა სამუშაოების ჩატარება გიწევთ ბაღში?
- ბაღის მოვლასაც, რა თქმა უნდა, პროფესიონალი სჭირდება. ყვავილების სახელები შეიძლება ისწავლო, მაგრამ მოვლის პროცესი ძალიან რთულია. ამას ჩემს ბაღში არაჩვეულებრივად ახერეხებს ნამდვილი პროფესიონალი მებაღე ვახტანგ ბარათაშვილი. მის გარეშე ჩემი ბაღი პირვანდელ სახეს ვერ შეინარჩუნებდა. ბაღის მოვლის პროცესში მე ნამდვილად არ ვარ ჩართული. თუმცა ყვავილების და მცენარეების ადგილის შეცვლა, დამატება, კომპოზიციის განახლება და ვიზუალის შეცვლა კი ძალიან მიყვარს.
- ძალიან მრავალფეროვანია თქვენი ბაღი, უამრავი მცენარე და ყვავილია თავმოყრილი. წლის რომელ საეზონზე რა ყვავლები ყვავიან ბაღში?
- ადრე გაზაფხულიდან - გლიცინია, ვეიგელა, ჟასმინი, პიონი, პირაკანტა, ჩიტავაშლა, როდოდენდრონი. ხეხილიდან: წითელი ტყემალი, ვაშლი, ალუჩა, ალუბალი, შავი ქლიავი. მაისიდან იწყებს ყვავილობას ვარდების ნაირფეროვანი სახეობა. ზაფხულში - ირმის რქა, ლავანდა, გვირილები, ფლოქსები, ლოროპეტალუმი, პეროვსკიე, სანტოლინა, აბელია, ზამბახი, კლემატისი, ასტილბა, სპირეა, კლეროდენდრონი, გორტენზია, პოტენტილა, სალვია, ლილია. რაც შეეხება შემოდგომას, ბაღში დარგულია ისეთი ხე მცენარეები, რომლებიც გვაძლევს ფერთა მთელ გამას: ქართული, კანადური და იაპონური ნეკერჩხალი, არყის ხე, კატალპა, ალუბალი, გინკო, სოფორა, გლედიჩია, წითელი და ყვითელი კოწახური. ზამთრში ეფექტის შესაქმნელად დარგული გვაქვს სხვადასხვა წიწვოვანი მცენარეების სახეობები.
- იყო მცენარე, ყვავილი, რომელმაც თქვენს ბაღში არ იხარა და თუ არის ასეთი, რა იყო ამის მიზეზი?
- იშვიათად, მაგრამ ჩემს ბაღშიც ყოფილა ისეთი მცენარე ან ყვავილი, რომელმაც ვერ გაიხარა. ამის მიზეზი ან ადრე გაზაფხულზე მოულოდნელი ყინვა, ან ზამთარში ნალექის ნაკლებობაა (წვიმა და თოვლი). ამან შეიძლება გამოიწვიოს მცენარის გაფუჭება.
- ზოგადად მცენარეების შერჩევის დროს რას ითვალისწინებთ ხოლმე?
- ვცდილობ, რომ მცენარე იყოს მრავალწლოვანი და გარემო პირობებთან შეგუებადი, რასაც არჩევის დროს ჩემს მებაღესთან ვათანხმებ. თუმცა პირველ რიგში ყვავილი ან მცენარე ვიზუალურად უნდა მომეწონოს.
- ზამთრის პერიოდში როგორია თქვენი ბაღი? როგორ ახერხებთ სილამაზის შენარჩუნებას?
- ზამთრის პერიოდში ბაღმა რომ სილამაზე შეინარჩუნოს, გამოყენებული გვაქვს წიწვოვანი მრავალწლოვანი მცენარეები: ვერცხლისფერი ნაძვი, ტუია (ოქროსფერი), გართხმული ღვიების სხვადასხვა ჯიში (ვერცხლისფერი, მწვანე და ღია ყვითელი), მინიატურული ფიჭვი, გართხმული ჩიტავაშლა (წითელ და ყვითელ ნაყოფიანები).
- რამეს დაამატებდით თქვენს ბაღს, თუ თვლით, რომ სრულყოფილია?
- ჩემთვის ჩემი ბაღი სრულყოფილია. უმნიშვნელო ცვლილებები თუ შემაქვს ხოლმე გაზაფხულზე და შემოდგომაზე. რაც შეეხება ეზოს, მას, ჩემი აზრით, მხოლოდ აუზი აკლია, რომელიც, ალბათ, მომავალი წლისთვის იქნება. პროექტი დასრულების ფაზაშია. მისი ავტორი არაჩვეულებრივი არქიტექტორი და ცნობილი მომღერალი, ბატონი მალხაზ თავართქილაძეა.
- ბინის დიზაინი თქვენ გეკუთვნით, თუ აქაც დიზაინერის მომსახურებით ისარეგებლეთ?
- თავდაპირველად მივმართე დიზაინერს დახმარებისთვის და მისი რჩევებიც გავითვალისწინე, მაგრამ საბოლოო გადაწყვეტილება, თუ როგორი უნდა ყოფილიყო ინტერიერი, მაინც მე მივიღე.
მერი ბლიაძე
_yda-1.jpg)
კომენტარები