ბაღის ბილიკები არ არის მხოლოდ ბაღის ელემენტი, არამედ მთელი ბაღის ან ნაკვეთის ლანდშაფტის დიზაინის ძალიან მნიშვნელოვანი ნაწილია. მოწყობამდე მათი დიზაინი აუცილებლად გასათვალისწინებელია. ესთეტიკის გარდა უნდა გავითვალისწინოთ კიდევ ორი მნიშვნელოვანი ფუნქცია: მასალების სიმტკიცე და გამძლეობა. დღეს მაღაზიებში არის მრავალფეროვანი მასალა ბაღის ბილიკების მოსაწყობად, მაგრამ სამწუხაროდ, ყველა მათგანი ვერ უძლებს დროს.

1. კაფელი და დეკორატიული ფილები


ბილიკების გასაკეთებლად ერთ-ერთი ყველაზე გავრცელებული მასალაა კაფელი ან დეკორატიული ფილები. ძალიან ლამაზად ჟღერს და ესთეტიურად სასიამოვნოდ გამოიყურება, მაგრამ, სამწუხაროდ, რეალურ ცხოვრებაში სულაც არ არის პრაქტიკული. ასეთი მასალები, რა თქმა უნდა, ბაღს სხვადასხვა ნათელ ფერებს შემატებს, მაგრამ პირველ ზამთარს ისინი ნამდვილად ვერ გადარჩებიან. ფაქტია, რომ კაფელი ძალიან მგრძნობიარეა დაბალი ტემპერატურის მიმართ. პირველი ყინვისას აუცილბლად დაიბზარება და დაიშლება. ტენი ყინულად გადაიქცევა და ასეთ მოლიპულ ბილიკებზე გადაადგილება სრულიად შეუძლებელი იქნება. ეს მასალა ვერც სარეველებისგან დაგიცავთ მათ მუდმივად წმენდა დაგჭირდებათ.

2. რუბეროიდი


იმისდა მიუხედავად, რომ ეს გახლავთ საკმაოდ ხელმისაწვდომი მასალა და გამოიყურება საკმაოდ გამძლედ, ის საერთოდ არ არის შესაფერისი ბაღის ბილიკების შესაქმნელად. ეს მასალა ძირითადად განკუთვნილია სახურავების ან სხვა სტრუქტურების ჰიდროიზოლაციისთვის. მაგრამ თუ მას მიწაზე დადებთ, ის ძალიან სწრაფად დაიწყებს დაშლას მზის და ნალექის გავლენის ზემოქმედების შედეგად. ეს საერთოდ არ არის სანდო არჩევანი, რადგან მის ზედაპირზე გუბეები დაგროვდება და გარდა ამისა, მასში შმავალი კომპონენტების გამო,  ფეხსაცმელზე მიწებებას დაიწყებს და მთელ ტერიტორიაზე ან სახლში შავ ლაქებს დატოვებს.

3. ფარდაგი და ხალიჩა



არსებობს მრავალი რჩევა, თუ როგორ უნდა დაამშვენოთ ბილიკები მათზე გრძელი ფარდაგებისა და ხალიჩების დაგებით. რა თქმა უნდა, ასეთი მასალა დიდხანს არ ძლებს. თუმცა, სასათბურე მეურნეობისთვის ის საკმაოდ შესაფერისია, ის ასევე შეიძლება განთავსდეს საზაფხულო სამზარეულოში, მაგრამ ბილიკებზე გამოსაყენებლად ეს არ არის საუკეთესო იდეა. და მიუხედავად იმისა, რომ ადვილად ირეცხება და რბილია სასიარულოდ, ღია ცის ქვეშ ის სწრაფად ბინძურდება. გარდა ამისა, ისინი აგროვებს წყალს, ხავსმა შეიძლება დაიწყოს ზრდა და ასეთ სველ ხალიჩაზე სიარული არასასიამოვნო იქნება. ასეთი მასალა ვერ უზრუნველყოფს ბრტყელი ზედაპირის შექმნას .

4. ფიქალი 


ერთ-ერთი ყველაზე პოპულარული სამშენებლო მასალა, ფიქალი, ასევე ზოგჯერ გამოიყენება ბაღის ბილიკების შესაქმნელად. სამწუხაროდ, ეს ასევე არ არის საუკეთესო ან გონივრული არჩევანი. ფიქალი ბუნებით საკმაოდ მყიფე მასალაა და მძიმე საგნების, ადამიანების, ბორბლების ან ურიკების ზეწოლის ქვეშ, შესაძლოა გაიბზაროს და დაზიანდეს. გარდა ამისა, წვიმიან ამინდში ის ძალიან მოლიპულ ხდება და ეს, თავის მხრივ, სახიფათოა. ფიქალის მრავალი ვარიანტი შეიცავს აზბესტს, რაც მათ არ აქცევს კარგ არჩევანს საცხოვრებელ ადგილებში.

5. რიყის ქვები


მიმზიდველი ვარიანტია დიდი რიყის ქვებისგან დამზადებული ბაღის ბილიკი, რომელიც საკმარისად არის ჩასული მიწაში. ძალიან მყუდროა, როგორც ბილიკი ტყეში. სამწუხაროდ, ეს ასევე არ არის საუკეთესო არჩევანი ბაღის ბილიკების დიზაინისთვის. ნებისმიერ შემთხვევაში, მათი ზედაპირი არათანაბარი იქნება ეს გაართულებს მათზე გადაადგილებას. ასევე მიწაში ეფლობა და დროთა განმავლობაში უფრო ღრმად ჩადის. შედეგად, გარკვეული დროის შემდეგ, ბილიკები შეიძლება მთლიანად დაიკარგოს. გარდა ამისა, როგორც ფიქალის შემთხვევაში, ისინი ზამთარში წარმოუდგენლად მოლიპულ გახდება. მათ მუდმივი მოვლა და რეპოზიცია დასჭირდებათ, რადგან ქვებზე ხავსი გაიზრდება.
და მიუხედავად იმისა, რომ ბუნებრივი ქვისგან დამზადებული ბილიკები ძალიან მიმზიდველად და დიდებულად გამოიყურება, მათი მონტაჟი რთული და ხანგრძლივი პროცესია. 

6. ხის მორები


ხის ჭრისგან დამზადებული ბუნებრივი ბილიკები, უდავოდ, ძალიან ლამაზად გამოიყურება. ეკოლოგიურად სუფთა, ლამაზი და ესთეტიურად სასიამოვნოა, მთელი ბაღი შეიძლება მორთული იყოს ასეთ ტყის, ზღაპრულ ბილიკებით. თუმცა, პრაქტიკაში ამ გამოსავალს ბევრი უარყოფითი მხარე აქვს.
ძირითადი პრობლემა ის არის, რომ ხე ლპება, განსაკუთრებით ჭარბი ტენიანობის დროს. ამ ფაქტორისგან მისი დაცვა არ არსებობს, განსაკუთრებით ზამთარში. თავის მხრივ, სოკო ყალიბდება ასეთ დამპალ ხეზე და ჩნდება მრავალი მწერი. ხის მასალა ამ დროს კარგავს ესთეტიკურ მიმზიდველობას.