მიმდინარე ზაფხულს დისტანციურად დასაქმებულების რაოდენობამ მაქსიმუმს მიაღწია, რადგან კოვიდ19-ის გავრცელების საფრთხეების თავიდან არიდების მიზნით შესაძლებლობის ფარგლებში ყველა დისტანციური მუშაობის რეჟიმზე გადავიდა. შესაბამისად, ყველა გაერიდა დედაქალაქის ჩვეულ სიცხეს და ქალაქგარეთ მშობლიურ სახლებსა თუ აგარაკებს მიაშურეს. როცა ქალაქგარეთ რამდენიმე დღით გადიხართ, ინტერიერს განსაკუთრებულ ყურადღებას არ აქცევთ, მაგრამ როცა რამდენიმე თვით იცვლით საცხოვრებელ ადგილს, უკვე მნიშვნელოვანია დეტალები, რომელიც სიმყუდროვესა და სასიამოვნო განწყობას შეგიქმნით. ეს განსაკუთრებით ისეთ სახლებს ეხება, სადაც მუდმივად არავინ ცხოვრობს და მხოლოდ ზაფხულში გარკვეული პერიოდით სტუმრობენ მას.

ინტერიერის განახლება და ავეჯის შეცვლა მარტივი საქმე ნამდვილად არ არის. ამიტომ სახლებში, სადაც ზაფხულობით ჩადიხართ, სხვადასხვა აქსესეურის შეცვლა ან დამატება და გარემოს გახალისება, განახლება სრულიად საკმარისია. სააგარაკე ნივთების ფართო არჩევანი დაგხვდებათ თბილისში ახლადგახსნილ მაღაზიაში „მატალანი“, სადაც თქვენი გემოვნების შესაბამისი აქსესაურების შერჩევასა და აგარაკის გალამაზებას შეძლებთ. ჩვენ კი გთავაზობთ იმ ნივთებს, რომლებსაც თქვენს ინტერიერში მეტად პოზიტიური განწყობის შემოტანა შეუძლია და არც განსაკუთრებულად დიდ ხარჯთანაა დაკავშირებული.

ბალიშები

სახლი ქალაქგარეთ ყოველთვის დასვენებასთან ასოცირდება. თუ თქვენ დისტანციურად მუშაობთ ორმაგად გჭირდებათ კომფორტი, მაგალითად, სამუშაო კუთხე, სადაც იმდენი ბალიში გექნებათ, რომ არც წელი გეტკინებათ და არც კისერი. ჰამაკში ჩაყრილ ბალიშებში ჯდომაზე კომფორტული კი რა უნდა იყოს, მითუმეტეს თუ ამ ბალიშებს დეკორატიული დატვითვაც ექნება და ორიგინალური დიზაინით გაგილამაზებთ გარემოს.

ეზოს დეკორაცია

ქალაქგარეთ გასულს ყოველთვის გინდება გქონდეს ლამაზი ეზო, სადაც ჰამაკს ჩამოკიდებ და მშვიდად დალევ ყავას ან მეგობრებთან ერთად იმხიარულებ. ამიტომ წაიღეთ ეზოს დეკორაციები და საკუთარი გემოვნებით მოაწყვეთ ლამაზი კუთხე, რომელიც სიამოვნებას მოგანიჭებთ. ამისთვის შეგიძლიათ გამოიყენოთ „მატალანის“ აქსესუარები და ასევე, საკუთარი ხელით შექმნათ დეკორატიული ღობეები ან სხვა დეტალები.

გამწვანება

რთულია ლამაზი გამწვანება შეინარჩუნოთ იქ, სადაც მუდმივად არ ცხოვრობთ. მაგრამ ასევე წარმოუდგენელია სახლი ქალაქგარეთ, სადაც ლამაზი მცენარეები არ გექნებათ, ამიტომ სასურველია, სიმწვანე ხელოვნური მცენარეებით შექმნათ. სიმწვანე სიმშვიდეს ქმნის. სიმშვიდეში კი თქვენი მუშაობაცა და დასვენებაც უფრო სასიამოვნო გახდება.

ჩარჩოები

მუდმივად ერთფეროვან კედლებს რომ არ უყუროთ, სასურველია საზაფხულო სახლში წასვლისას თან გაიყოლოთ კედლის ლამაზი ჩარჩოები და დეკორაციები. ასე თქვენი ოთახი განახლდება და გალამაზდება.

სანთლები

სანთლებს ინტერიერში ორმაგი დატვირთვა აქვს: ლამაზი ვიზუალი და სასიამოვნო სურნელი. შეარჩიეთ „მატალანის“ სანთლები თქვენი საყვარელი არომატების მიხედვით და შექმენით სიმშვიდე და სიმყუდროვე სახლში.