ფიტულები და ბილიარდის ბურთები სამზარეულოში - ხანდახან მართლაც უცნაური ნივთები შეიძლება აღმოჩნდეს ცნობილი ადამიანების სახლებში. გადავხედოთ რამდენიმე მათგანს. 

ჯიჯი ჰადიდი


ჯიჯი ჰადიდის ახალ სახლში, რომელიც მოდელმა მანჰეტენზე შეიძინა, ჭარბობს კაშკაშა ფერები და მოულოდნელი დეტალები. მაგალითად, კარადა ფერადი მაკარონებით არის გაფორმებული, სამზარეულოში კი ბილიარდის ბურთებს შეხვდებით. მოდელის თამამმა ნაბიჯმა ყველა გააოცა.






ჯორჯო არმანი

ჯორჯო არმანის მილანური სახლი ჟურნალის გარეკანებზე არანაკლები სიხშრით ხვდება, ვიდრე თავად ჯორჯო არმანი. ეს გასაკვირი არც არის, სახლის დიზაინზე ხომ ცნობილმა პიტერ მარინომ იზრუნა. სახლის მთავარი უცნაურობა კი მრავალდონიანი ბიბლიოთეკა, დიზაინერული ავეჯი,
პერგამენტის ტყავით მოპირკეთებული კედლები და - შავი პანტერას და გორილას ფიტულებია.


დაათვალიერეთ არმანის სახლი - როგორ ცხოვრობს ჯორჯო არმანი - ცნობილი დიზაინერის საოცარი სახლები

პიერ კარდენი

2000 წელს პიერ კარდენმა სასახლე შეიძინა პროვანსში. სასახლე ლეგენდარული მარკიზ დე სადის საკუთრება იყო. უფრო სწორად რომ ვთქვათ, პიერ კარდენმა ამ სასახლის საძირკველი იყიდა, რომელიც მე-12 საუკუნით თარიღდება, კედლები კი - მე-18 საუკუნით. მოდელიერმა აღადგინა სასახლე და ხელოვნების ფესტივალიც ჩაატარა. ეზოში მარკიზის ქანდაკებაა, რომელიც ციხეშია მოთავსებული, მან ხომ ცხოვრების მესამედი ტყვეობაში გაატარა.