უძრავი ქონების აგენტებმა, რომლებიც ვარსკვლავის სახლის გაყიდვით არიან დაკავებულები, კიდევ ერთხელ შეამცირეს მისი სახლის ფასი, რომელიც  ლოს-ანჯელესში მდებარეობს და რომელშიც ჯიმ კერიმ 30 წელი იცხოვრა.


62 წლის კომიკოსმა ჯიმ კერიმ, სახლი გასაყიდად პირველად 2023 წელს გაიტანა და 28,9 მილიონ დოლარად შეაფასა. თავად 1994 წელს იყიდა მდიდრული ქონება ჩოგბურთის კორტითა და საუნით.


ორი თვის შემდეგ, გასაყიდი ფასი 27 მილიონ დოლარამდე შეამცირა, ხოლო 2023 წლის ოქტომბერში ეს მაჩვენებელი 24 მილიონ დოლარამდე დაეცა. ახლა მისი ლოს-ანჯელესის სასახლის შეძენა 22 მილიონ დოლარად არის შესაძლებელი, რაც მთლიანი ფასდაკლებით 7 მილიონ დოლარს აღწევს.


"30 წლის განმავლობაში ეს ჩემი თავშესაფარი იყო, მაგრამ ახლა იქ დიდ დროს ვეღარ ვატარებ და მინდა სხვა დატკბეს იმ სახლით ისევე, როგორც მე", - განაცხადა მსახიობმა.

ერთსართულიანი სახლი, როგორც უკვე აღვნიშნეთ, ლოს-ანჯელესის პრესტიჟულ, ბრენტვუდის უბანში მდებარეობს და აქვს ხუთი საძინებელი, ექვსი აბაზანა და სამი საპირფარეშო ოთახი. აქვს განსაცვიფრებელი ეზო. ცნობილია, რომ კერიმ სახლი სამი ათწლეულის წინ 3,8 მილიონ დოლარად იყიდა.