სტატისტიკის მიხედვით, საცვალი თეთრეული უფრო მალე იცვლის ფერს, ვიდრე სხვა ნივთები. იმის გამო, რომ საცვლების ქსოვილი, როგორც წესი, უფრო თხელი და ნაზია, უფრო ადვილად ზიანდება. მოდით გავარკვიოთ, რატომ შეიცვალა ფერი თქვენმა საყვარელი ბიუსტჰალტერმა და როგორ დავუბრუნოთ მას პირვანდელი იერი. 

ფერის დაკარგვის 4 მიზეზი

ოფლი და ტანის კრემი

ეს არის შიდა თეთრეული დალაქავების და ფერის დაკარგვის ყველაზე გავრცელებული მიზეზები. ოფლი თხელ ქსოვილში აღწევს, ერწყმის მას და იცვლის ფერს.

რეცხვის ტექნიკა

საიდუმლო არ არის, რომ უფრო ფრთხილად უნდა გაირეცხოს, ვიდრე სხვა ტანსაცმელი. უხეში სარეცხი საშუალებები, ძალიან ცხელი წყალი და მძიმე ციკლები ასუსტებს ისედაც თხელი ქსოვილების ბოჭკოებს და მას უფრო დაუცველს ხდის ლაქებისა და გახუნების მიმართ. ამიტომ მნიშვნელოვანია აირჩიოთ რბილი სარეცხი საშუალება ნაზი ქსოვილებისთვის და გარცხოთ თბილ წყალში.



მზის სინათლე

ულტრაიისფერი გამოსხივება ანადგურებს ქსოვილში არსებულ საღებავის პიგმენტებს, რაც ახუნებს ქსოვილს, ამის თავიდან ასაცილებლად მოერიდეთ საცვლების მზეზე გაშრობას და შეინახეთ გრილ, ბნელ ადგილას.

ქსოვილის ხარისხი

იაფფასიანი შიდა თეთრეული დამზადებულია დაბალი ხარისხის ქსოვილისგან და დაფარულია არასტაბილური საღებავებით. მაღალი ფასის სეგმენტის თეთრეული დამზადებულია მაღალი ხარისხის მასალისგან და დაფარულია საღებავით, რომელიც წლების განმავლობაში არ ჩამოირეცხება.

მაშ ასე, მოდი ვნახოთ, როგორც შეიძლება შევუნარჩუნოთ ჩვენს შიდა თეთრეულს ფერი

ძმარი

ძმარმჟავა ერთ-ერთი ყველაზე ეფექტური საშუალებაა სუნისა და ლაქების მოსაშორებელი. შეურიეთ ძმარი წყალს პროპორციით 1:4 და დაალბეთ მასში თეთრეული 1 საათის განმავლობაში. ამის შემდეგ, კარგად გაავლეთ წყლით, რომ სუნი მოშორდეს. მაგრამ ფრთხილად იყავით: ეს მეთოდი არ არ გამოდგება მაქმანიანი და აბრეშუმის საცვლებისთვის.



ლიმონის წვენი და მზე

ლიმონის წვენი ბუნებრივი მათეთრებელი საშუალებაა. ახლად გამოწურული ლიმონის წვენი შეურიეთ წყალს პროპორციით 1:1, დატოვეთ თეთრეული ნარევში 2 საათის განმავლობაში და შემდეგ გააშრეთ მზეზე. ლიმონის წვენი ულტრაიისფერ შუქთან ერთად ხელს შეუწყობს ლაქების მოცილებას და ნივთის გათეთრებას.

ჟანგბადის მათეთრებელი

ჟანგბადის მათეთრებლები ეფექტურად და ნაზად მოქმედებს თეთრ ქსოვილებზე. ჩაალბეთ თეთრეული შეფუთვაზე მითითებული პროპორციებით, შემდეგ კარგად გაავლეთ თბილ წყალში, რათა თავიდან აიცილოთ კანის გაღიზიანება.

საცხობი სოდა

საცხობი სოდა ბუნებრივი მათეთრებელი საშუალებაა უსიამოვნო სუნის გასაქრობად. ის გათეთრების ყველაზე ნაზი საშუალებაც არის. შეურიეთ საცხობი სოდა თბილ წყალს პასტის მასის მისაღებად. წაუსვით თეთრეულს და ნაზად შეაზილეთ სუფთა ჭურჭლის ღრუბლის ხაოიანი მხრით. გაიჩერეთ 30 წუთი, შემდეგ კარგად გარეცხეთ და გაავლეთ ქსოვილი.