სისუფთავის სურვილი მისასალმებელია. თუმცა, "იდეალური დიასახლისის" ტიტულის მისაღწევად, ზოგიერთი ჩვენგანი ძალიან დიდ დროს ატარებს აბსოლუტურად უსარგებლო სამუშაოებზე. მაგალითად, შემდეგი ნივთების რეცხვა-დასუფთავებაში.

თუჯის ტაფა

თუჯის ტაფები განსაკუთრებულ მოვლას საჭიროებს, მაგრამ ეს არ ნიშნავს ამ ჭურჭლის კარგად გარეცხვას ყოველი გამოყენების შემდეგ. პირიქით, უკუნაჩვენებია თუჯის ტაფის წყალში ხშირი ჩალბობა და მყარი ღრუბლით და სპეციალური სარეცხი საშუალებებით ხეხვა. ეს იწვევს ბუნებრივი არაწებოვანი ფენის დაზიანებას, ასევე მიკრონაკაწრებისა და ჟანგის წარმოქმნას.

ქურა
თუჯის ჭურჭლის მსგავსად, ქურაც არ საჭიროებს ყოველდღიურ წმენდას. მაშინაც კი, თუ თქვენ მუდმივად იყენებთ მას საჭმლის მომზადებისას, საკვები არ შედის მასთან პირდაპირ კონტაქტში. ეს ნიშნავს, რომ არ არის საჭირო მისი ხეხვა, როგორც კი ქვაბს ან ტაფას გადმოდგამთ. ერთადერთი გამონაკლისი შეიძლება იყოს სიტუაცია, როდესაც ქურა მომზადების დროს დაისვრება.

ფარდები

ზოგიერთი დიასახლისი თვლის, რომ ფარდები რეგულარულად უნდა გაირეცხოს, რადგან ის ადვილად იმტვერება და ჭუჭყიანდება, თუმცა ეს საჭირო არ არის. ექსპერტები თვლიან, რომ ფარდებიდან ლაქების ამოღება შესაძლებელია გარეცხვის გარეშე. ფარდა სერიოზული წმენდას წელიწადში ერთხელ საჭიროებს.

ხის ავეჯი
მტვერი ხშირად გროვდება ხის ავეჯზე. მაგრამ სპეციალური საწმენდი საშუალებებით ხშირი წმენდა მხოლოდ აუარესებს სიტუაციას. ზოგიერთ სპრეის შეუძლია გაანადგუროს დამცავი ფენა, რაც მომავალში გამოიწვევს უფრო სწრაფ დაბინძურებას.

კბილის ჯაგრისი
კბილის ჯაგრისს დღეში ორჯერ ვიყენებთ. ის მუდმივად კონტაქტშია ბაქტერიებთან და მიკრობებთან. ამიტომ, ლოგიკურია ვივარაუდოთ, რომ ის რეგულარულად და კარგად უნდა ორეცხებოდეს, მაგრამ ასე არ არის. ამერიკის სტომატოლოგიურმა ასოციაციამ აღნიშნა, რომ სპეციალიზებული კბილის ჯაგრისის საწმენდი საშუალებები რეალურად არ მუშაობს და დასძინა, რომ კბილის ჯაგრისებზე ბაქტერიების ზრდა იწვევს პირის ღრუსთან დაკავშირებულ უარყოფით ეფექტს ან სისტემურ დაავადებას. კბილის ჯაგრისის სისუფთავის შესანარჩუნებლად, უბრალოდ შეინახეთ იგი ვერტიკალურ მდგომარეობაში, ღია კონტეინერში, უნიტაზისგან მოშორებით და გამოყენების შემდეგ გარეცხეთ წყლით. ფუნჯი უნდა შეიცვალოს სამ თვეში ერთხელ.

უმი თევზი და ხორცი

ბევრი დიასახლისი მიჩვეულია თევზის და ხორცის რეცხვას დაჭრამდე და შემდგომ მომზადებამდე. თუმცა წყალი არა მხოლოდ არ კლავს ბაქტერიებს (თუ არ იყენებთ მდუღარე წყალს, რა თქმა უნდა), არამედ ხელს უწყობს მავნე მიკროორგანიზმების გავრცელებას მთელ სამზარეულოში. ასე რომ, შემდეგ ჯერზე, როდესაც გადაწყვეტთ უმი ქათმის გარეცხვას, იფიქრეთ იმაზე, მზად ხართ თუ არა ამის შემდეგ მთელი სამუშაო ზედაპირის, იატაკის და ნიჟარის საგულდაგულოდ გასაწმენდად.

კვერცხი
ბავშვობიდან მშობლები გვაშინებენ სალმონელოზით, რომელიც შეიძლება ჭუჭყიანი კვერცხით გადავიდეს. ამის გამო ბევრ ჩვენგანს ურჩევნია მაღაზიიდან მოტანილი კვერცხი კარგად გარეცხოს. მაგრამ ეს დროის კარგვაა, არ გირჩევთ კვერცხის გარეცხვას, ეს იწვევს მათ სწრაფად გაფუჭებას. ეს პროდუქტი წყლით მხოლოდ გამოყენებამდე გარეცხეთ, ხოლო თუ სალმონელოზი გაშინებთ, კვერცხი 10 წუთი ხარშეთ, მავნე ბაქტერიებს მდუღარე წყალი ბევრად ეფექტურად უმკლავდება, ვიდრე ზედაპირული რეცხვა.

სოკო
შემწვარი სოკო მრავალი კერძის შემადგენელი ნაწილია. მაგრამ არ უნდა გარეცხოთ მომზადებამდე. დასველების შემდეგ მათი სრული გაშრობა თითქმის შეუძლებელია, რაც იმას ნიშნავს, რომ ის კარგავს ხრაშუნა ტექსტურას. ასევე, თუ სოკოს მაცივარში შენახვამდე გარეცხავთ, ის, კვერცხის მსგავსად, ბევრად უფრო სწრაფად გაფუჭდება.

მაკარონი
ზოგიერთი ჩვენგანი ასევე მიჩვეულია მომზადების შემდეგ მაკარონის კარგად გარეცხვას გამდინარე წყლის ქვეშ, რადგან არსებობს მოსაზრება, რომ ეს ხელს უწყობს სახამებლის მოცილებას, რომელიც გამოიყოფა მდუღარე წყალთან შეხებისას. ეს ჩვევა საბჭოთა დიასახლისებს შორის გაჩნდა. ფაქტია, რომ სსრკ-ში მაკარონი ხორბლის რბილი ჯიშებისგან იწარმოებოდა. მოხარშვის დროს ისინი ერთმანეთს ეწებებოდა, ამიტომ ბებიებს უწევდათ მათი გარეცხვა. მაგრამ დღეს, მაღაზიის თაროებზე ძირითადად ცეხვილი ხორბლისგან დამზადებული მაკარონია წარმოდგენილი, ნორმალური სახამებლის შემცველობით, რომლისთვისაც არ არის მიზანშეწონილი მომზადების შემდეგ ცივ შხაპი. ამის გამო მაკარონმა შესაძლოა დაკარგოს გემოვნური თვისებები.