თურმე, არც გადაჭარბებული პედანტურობა ყოფილა კარგი.
გავიხსენოთ, როგორ გვასწავლეს დედებმა ... გარეცხე - დააუთოვე! არადა, ეს პროცესი არასდროს გვიყვარდა. მეცნიერები კი ამტკიცებენ, რომ ამის გაკეთება თურმე არც ყოფილა საჭირო. ალბათ, მიზეზი გაინტერესებთ - ექსპერტები ამბობენ, რომ დაუთოების შემდეგ ქსოვილი ზედმეტად მკვრივი ხდება, რაც ხელს უშლის ჰაერის შეღწევას კანში და კარგავს ძილის დროს ტენიანობის შთანთქმის უნარს, რაც ცუდად მოქმედებს ადამიანების კეთილდღეობაზე.

და რა ხდება ბავშვებთან დაკავშირებით? თერმოდამუშავება ხომ ბავშვებს მიკრობებისგან იცავს? ამ შემთხვევაში ექსპერტები ქსოვილის ორთქლით დამუშავებას გვირჩევენ. ის ისევე მოქმედებს, როგორც სადეზინფექციო საშუალება.
არსებობს კიდევ ერთი არგუმენტი. მაგალითად, ფსიქიატრების დაკვირვებით, ადამიანები, რომლებიც მიჩვეულნი არიან ახლად დაუთოებულ თეთრეულში ძილს, უფრო მგრძნობიარენი არიან კრიტიკისადმი და არაადეკვატურად აღიქვამენ მას, დიდი წყენით.
ასეთი ადამიანები დიდ ძალისხმევას ხარჯავენ საგანმანათლებლო სამუშაოზე სხვა ადამიანების იდეალიზებისთვის, რის გამოც ხშირად მარტო რჩებიან...
სხვათა შორის, დაუთოება ერთადერთი საოჯახო საქმე არ გახლავთ, რაზეც ექსპერტები უარის თქმას გვირჩევენ, არც ლოგინის ალაგება ყოფილა დილით კარგი ჩვევა, მაშინვე მაინც - უნდა დავაცადოთ თეთრეულს, რომ კარგად განიავდეს და გამოშრეს.
დიასახლისებს არ მოეწონებათ ეს ამბავი, მაგრამ გამუდმებით სამზარეულოში ტრიალიც არა მხოლოდ დამღლელი, მავნებელიც ყოფილა ჯანმრთელობისთვის - დიასახლისებს, რომლებიც მთელი დღეს გაზქურასთან ატარებენ, უფრო ხშირად აწუხებთ გულ-სისხლძარღვთა დაავადებები.