თქვენი რომელი ქცევა მიუთითებს იმაზე, რომ ქაოსში ცხოვრება თქვენი სტიქიაა?
იმისათვის, რომ გავიგოთ ჩვენი გლობალური მიზანი ცხოვრებაში, ზოგჯერ უნდა გავითვალისწინოთ ჩვენი ხასიათის უმცირესი თვისებებიც კი, შევცვალოთ ისინი სოციალური ნორმების მიმართულებით ან სხვების აზრის გათვალისწინებით. ეს ეხება ქაოსის სიყვარულსაც. ჩვენ გეტყვით, რა გამოვლინებები ცხადყოფს იმ ფაქტს, რომ ქაოსისთვის დაბადებული ადამიანი ბრძანდებით. და თუ ასეა, ნუ დაისჯით თავს ამაზე ფიქრით და ნურც სხვის საყვედურებზე ინერვიულებთ, ხანდახან ქაოსი მართლა ცხოვრების წესია და ხასიათის ნაწილი.
ოღონდაც, გაითვალისწინეთ, ქაოსი გულისხმობს უწესრიგობას და ზოგად არეულობას და არა სიბინძურეში ყოფნას, მტვერსა და ნაგავს - ეს კიდევ სხვა რამ არის, რაც ჯანმრთელობაზე, ფსიქიკაზე და ბევრ რამეზე ახდენს გავლენას. თუ არ გაღიზიანებთ გარშემო სიბინძურე და ნაგავი, მაშინ აუცილებლად იმუშავეთ საკუთარ თავზე ან გაიარეთ კონსულტაცია ფსიქიატრთან...

ქაოსი არ გაწუხებთ

ბევრს სჯერა, რომ არეული სახლი უდრის არეულ ცხოვრებას, მაგრამ ეს ყოველთვის ასე არ არის. მართალია, ზოგჯერ არეულ ადამიანებს ნამდვილად აქვთ ფსიქიკური აშლილობა, მაგრამ ისიც ხდება ხოლმე, რომ ადამიანი ქაოსში უფრო კარგად მუშაობს, უფრო პროდუქტიულია, ვიდრე იდეალურ წესრიგში. თუ ეს თქვენც გეხებათ და შეგიძლიათ ზუსტად თქვათ, სად რა დევს თქვენს ყოველთვის არეულ სახლში, მაშინ წესრიგი არ გჭირდებათ.

თქვენ არ ცდილობთ მის გამოსწორებას
ალბათ არაერთხელ ურჩევიათ თქვენი სახლის მოწესრიგება ნათესავებს ან მეზობლებს, მათთვის ძნელია იმის გაგება, რომ დეორგანიზებულობა ან მცირე უყურადღებობა თქვენი ხასიათის ნაწილია და ეს კომფორტს განიჭებთ და ცხოვრობთ ჰარმონიაში. თუ ასეა, არ სცადოთ საკუთარი თავის გადაკეთება, რადგან, დიდი ალბათობით, სხვა მოცემულობაში თავს არაკომფორტულად იგრძნობთ.

ხაზს უსვამთ დეტალებს

მაღალი დონის ინტელექტის მქონე ადამიანები, სხვადასხვა დარგის დეველოპერები და ინოვატორები გამოირჩევიან იმით, რომ ყურადღებიანები არიან დეტალების მიმართ და ურჩევნიათ შეხედონ სიტუაციას მისი მცირე ასპექტების გათვალისწინებით. ეს ჩვევა ადამიანებს ბიზნესშიც ეხმარება, ამიტომ, თუ ყურადღებას არ აქცევთ თქვენს სახლში არსებულ ზოგად არეულობას და ყურადღებას აქცევთ თქვენთვის რეალურად მნიშვნელოვან საკითხებს, შეეცადეთ გაითვალისწინოთ პროფესიები, რომლებიც საჭიროებენ დეტალებისადმი ყურადღების კონცენტრაციას.

საკუთარ თავს უნიკალურად მიიჩნევთ
ჩვენი ცხოვრების გზაზე ხშირად ვხვდებით ადამიანებს, რომლებიც ცდილობენ გაგვიღვივონ დანაშაულის ან საკუთარ თავში ეჭვის გრძნობა, სინამდვილეში კი მთავარია საკუთარი კომფორტი, ამიტომ, თუ თავს ორგანულად გრძნობთ თქვენს პატარა ქაოსში, ჩათვალეთ ეს თქვენი ხასიათის უნიკალურობად.

თქვენ არ განსჯით სხვებს
ზოგიერთ ადამიანს, რომელიც ყველაფერში წესრიგს იცავს, მაგალითად სახლში, ცხოვრებაში, შეიძლება ახასიათებდეს სხვების განსჯა. თუმცა, თქვენ არ ხართ ერთ-ერთი მათგანი, თქვენი ცხოვრების წესის გამო ხშირად გმობთ საკუთარ თავს და ამიტომ არ თვლით საკუთარ თავს სხვების განსჯის ღირსად. სრულყოფილი არავინაა და ყველა ადამიანს აქვს უფლება საკუთარ თავთან იყოს ჰარმონიაში.