ბოლო დროს ძალიან ბევრმა ოჯახმა გაიჩინა სახლში შინაური ცხოველი. შესაბამისად, გაჩნდა პრობლემები, რომლებსაც ბეწვიანი არსებები სისუფთავეის თვალსაზრისით იწვევენ. 
კატებისა და ძაღლების მფლობელებმა პირადად იციან, რამდენად რთულია სახლის დასუფთავება, სადაც ცხოველები არიან. პატარა მეგობრები უხვად ტოვებენ ბეწვს, შესაბამისად, სახლსაც სხვანაირი დალაგება სჭირდება.

ექსპერტების რჩევით, პირველ რიგში უნდა გაუმკლავდეთ ბეწვს. სახლში ბეწვის დაგროვების თავიდან ასაცილებლად ცხოველი რეგულარულად უნდა დავარცხნოთ ან ატაროთ პროფესიონალთან. დღესდღეობით არსებობს შინაური ცხოველების მოვლის მთელი კომპლექსი, როდესაც სპეციალისტი საგულდაგულოდ ვარცხნის კატას ან ძაღლს და ეხმარება მას ერთდროულად მოიშოროს ზედმეტი ბეწვი, რომელიც კვირების განმავლობაში უნდა დასცვენოდა.

თუმცა არის ჯიშებიც, რომლებისთვისაც უბრალოდ ვარცხნა საკმარისი არ არის - თმა მაინც ყველგან იქნება. გთავაზობთ რამდენიმე სასარგებლო რჩევას.
უპირველეს ყოვლისა, სცადეთ  თქვენი რბილი ავეჯის გაწმენდა ტანსაცმლის საწმენდი წებოვანი როლით ან ლენტით. ანტისტატიკური სპრეი ასევე დაგეხმარებათ თავიდან აიცილოთ მისი  ქსოვილებზე დაგროვება. მისი წყალობით, ცხოველის ბეწვი არ ელექტროვდება და არ გროვდება დივნებზე, სავარძლებზე და საწოლებზე. მთავარია, აირჩიოთ ვარიანტები, რომელიც უსაფრთხო იქნება შინაური ცხოველებისთვის
რაც შეეხება სიბინძურეს, ცოტა მეტი ბრძოლა მოგიწევთ, რომ სახლი სისუფთავე შეინარჩუნოთ. როდესაც შეამჩნევთ ლაქას, დაუყოვნებლივ უნდა მოწმინდოთ იგი. წინააღმდეგ შემთხვევაში, ზედაპირზე  ჩაჯდება და მისი ამოყვანა ბევრად გართულდება.
დასაწყისისთვის, ექსპერტები გვირჩევენ, ლაქას წყალი შეასხუროთ და კარგად მოწმინდოთ სველი ხელსახოცით. შემდეგ, ზედმეტი სუნის გაჩენის თავიდან ასაცილებლად, უნდა გამოიყენოთ ჩვეულებრივი სოდა. დაყარეთ სოდა სასურველ ადგილზე და დატოვეთ იქ დაახლოებით ერთი საათის განმავლობაში. ის შთანთქავს დარჩენილ ტენიანობას და მასთან ერთად მთელ უსიამოვნო არომატს. ამის შემდეგ ის უნდა შეგროვდეს და მოიწმინდოს და ადგილი მოირეცხოს სუფთა წყლით. საჭიროების შემთხვევაში, შეგიძლიათ გაიმეოროთ ეს პროცედურა, სანამ ყველა კვალი არ გაქრება.

ეს მეთოდი გამოგადგებათ ნებისმიერ ტიპის ზედაპირის გასაწმენდად, იქნება ეს პარკეტი, ხალიჩა თუ კერამიკული ფილა.