ჩვენ ყველას გვსურს, რომ ჩვენი ბინა კიდევ რამდენიმე თვის განმავლობაში ბრწყინავდეს ე.წ. გენერალური დალაგების შემდეგ, თუმცა რეალურად ხდება ის, რომ სულ რაღაც ორ დღეში ისევ გვიწევს მტვერსასრუტის და ტილოს ხელში აღება და სახლის თავიდან ლაგება. ეს ფსიქოლოგიურად რთულია: თქვენ უკვე დახარჯეთ მთელი თქვენი ენერგია საგაზაფხულო დასუფთავებაში, მაშ, რატომ უნდა ალაგოთ სახლი ყოველდღე? აქ მხოლოდ ერთი გამოსავალი არსებობს დასუფთავების მეთოდი "6/10" .

რას არის ეს მეთოდი?
მეთოდის არსი იმაში მდგომარეობს, რომ დასალაგებელი ობიექტები იყოფა დროის ინტერვალებად. მაგალითად, თქვენ აკეთებთ ამ 6 საქმეს ყოველდღე, ამ 10-ს - ყოველთვიურად, ამ 4-ს ყოველ - სამ თვეში და ა.შ. ამ გზით, ყოველდღიურად ასრულებთ მარტივ ნაბიჯებს სახლის სისუფთავის შესანარჩუნებლად რამდენიმესაათიანი სერიოზული დალაგების გარეშე.

მაშ ასე, 6 ყოველდღიური დავალება:

• ლოგინების გასწორება
• სარეცხის რეცხვა
• ჭურჭლის რეცხვა
• აბაზანისა და სამზარეულოს ნიჟარების წმენდა
• სასადილო მაგიდის წმენდა
• მტვერსასრუტის გამოყენება

რა თქმა უნდა, ისედაც აკეთებთ ამ საქმეებს ხშირად, მაგრამ არ არის ცუდი მათი სისტემად გადაქცევა. შედეგად, კვირის ბოლოს არ დაგჭირდებათ დაგროვილი სარეცხის რეცხვა ან სასადილო მაგიდის ხეხვა ჩარჩენილი საკვების ნარჩენებისგან გასასუფთავებლად. მაგრამ მნიშვნელოვანია აღინიშნოს, რომ თქვენ შეგიძლიათ შეცვალოთ თქვენი ყოველდღიური სამუშაოების სია თქვენი ცხოვრების სტილის მიხედვით. მაგალითად, თუ არ გყავთ შინაური ცხოველი ან ბავშვები, არ გჭირდებათ მტვერსასრუტი ყოველდღე.


10 ყოველკვირეული დავალება

1. აბაზანის დასუფთავება
2. ნიჟარების სანიაღვრე სისტემის წმენდა
3. მტვრის აღება
4. თეთრეულის რეცხვა
5. იატაკის მოწმენდა
6. საკუჭნაოს ან უჯრების დალაგება
7. მიკროტალღური ღუმელის გასუფთავება
8. მაცივრის გამოწმენდა
9. ჭურჭლის სარეცხი მანქანის დასუფთავება
10. შინაური ცხოველების ნივთების მოწესრიგება

თუ დაიზარებთ აბაზანის გაწმენდას და მტვრის გადაწმენდას, შეიძლება წააწყდეთ ალერგიას ან ისეთ ინფექციას, როგორიცაა სტრეპტოკოკი. ასევე ძალიან მნიშვნელოვანია ყოველთვიური დავალებები:

• კარადების დალაგება
• სამზარეულოს ტექნიკის გაწმენდა
• მანქანის ამოსუფთავება

სამზარეულოს ტექნიკაში ვგულისხმობთ ტოსტერს, ქვაბს, ვაფლის უთოს, ყავის აპარატს - ზოგადად ყველაფერს, რაც საჭიროებს პერიოდულ წმენდას.

კვარტალური ამოცანები:

• კარადების კარების წმდენა
• კარების დასუფთავება
• ფანჯრების წმენდა
• ავეჯის წმენდა

ეს დავალებები შეიძლება შესრულდეს ექვს თვეში ერთხელ, ან თუნდაც წელიწადში ერთხელ - ეს დამოკიდებულია თქვენს ცხოვრების წესზე და, რა თქმა უნდა იმაზე, მარტო ცხოვრობთ თუ არა.