თურქ ქალებს ბევრი საინტერესო ჩვევა აქვთ, რომელთაგან ბევრი გაგაოცებთ. მაგრამ სწორედ ისინი გამოგადგებათ - შეეცადეთ აითვისოთ ისინი, ნახავთ, როგორ ოსტატურად მოაწესრიგებთ თქვენს ცხოვრებას და დროს, საკუთარი თავის დავიწყების გარეშე.

მუდმივად ზრუნავენ სახლზე

თურქეთში ჩვეულებაა, რომ სახლზე ძირითადად ქალები ზრუნავენ. ისინი დიდ დროს უთმობენ მის დასუფთავებას და მცენარეების მოვლას, რათა ოჯახს შეუქმნან მყუდრო და კომფორტული გარემო. გარდა ამისა, ისინი ჩვეულებრივ სახლში ამზადებენ საკვებს ტრადიციული გემოვნების შესანარჩუნებლად, თუმცა პერიოდილად არც რესტორნებში სტუმრობაზე ამბობენ უარს.



რეგულარულად ასუფთავებენ ხალიჩებს
თურქი ქალები ამას ყოველთვიურად აკეთებენ. მასზე ხომ ძალიან ბევრი მტვერი გროვდება. ისინი არა მხოლოდ მტვერსასრუტით ასუფთავებენ მას, არამედ რეცხავენ სპეციალური პროდუქტების გამოყენებით და აშრობენ სუფთა ჰაერზე - აივანზე ან ეზოში.

არ ალაგებენ გენერალურად

თურქ ქალებს უბრალოდ არ სჭირდებათ გენერალური დასუფთავება - ისინი ხომ ყოველ დღე ინარჩუნებენ სისუფთავეს. სწორედ ამის წყალობით, მათ არ უწევთ ზედმეტი დროის დახარჯვა მთელი სივრცის წმენდაზე.

სარკეს კბილის პასტით წმენდენ

რჩევა, რომელიც გამოგადგებათ - გამოდის, რომ კბილის პასტა მშვენივრად აპრიალებს სარკეებს და ამცირებს შხაპის დროს მის დაბურვას. სხვათა შორის, ის ასევე ხელს უწყობს სანტექნიკის მოწყობილობების ბზინვარებას.

განსაკუთრებულად უვლიან აივანს

თურქი დიასახლისებისთვის აივანი ცალკე ოთახის როლს ასრულებს. აქ აწყობენ ზონას დასასვენებლად ან ბავშვებისთვის სათამაშოდ. ამიტომაც იმდენ დროს უთმობენ ამ სივრცეს, როგორც ბინას ან სახლში ნებისმიერ სხვა ნაწილს.


აწყობენ ოჯახურ და მეგობრულ შეხვედრებს

თურქი ქალები ძალიან აფასებენ ოჯახს და მეგობრებს: თურქეთში ჩვეულებრივად ხშირად სტუმრობენ ერთმანეთს. გარდა ამისა, ისინი არ ერიდებიან საშინაო წვეულებების ორგანიზებას სპეციალური ღონისძიებების აღსანიშნავად ან უბრალოდ საყვარელ ადამიანებთან დროის გასატარებლად.


ხშირად დადიან აბანოში

თურქ ქალებს ჰამამები უყვართ – ალბათ იცით, რომ თურქეთში ბევრი საზოგადოებრივი აბანოა. ჰამამის მონახულების ტრადიციას უძველესი ისტორია აქვს, რომელსაც თურქები დღემდე პატივს სცემენ და ინარჩუნებენ. თურქი ქალებისთვის ეს ერთგვარი სილამაზის რიტუალია, რომელიც ეხმარება მათ არა მხოლოდ სილამაზის შენარჩუნებაში, არამედ მოდუნებაში, სტრესის მოხსნაში და გადატვირთვაში.

დადიან ბაზარში
თურქეთში ბაზრები მნიშვნელოვანი ადგილია ახალი საკვებისა და სხვა ნივთების შესაძენად. აქ შეგიძლიათ იპოვოთ უახლესი პროდუქტები, იპოვოთ უჩვეულო ინგრედიენტები ტრადიციული თურქული კერძებისთვის, სანელებლები.

ყინავენ ნებისმიერი საკვებს

ყინავენ არა მხოლოდ ბოსტნეულს, თევზს და ხორცს, არამედ წვნიანს და მარცვლეულსაც კი! თურქი დიასახლისები მაშინვე ფუთავენ ნაწილებად და ყინავენ, რათა ერთ კვირაში თავიდან არ მოუწიოთ გაკეთება.