პატარა ბინა ფანტაზიის მშვენიერი სტიმულატორია. ნივთების შესანახი ადგილის ძებნისას თავში ათასი აზრი მოსდის ადამიანს. ერთ-ერთი ასეთი აზრი კარის უკანა სივრცის ათვისებაა. სახლების უმეტესობაში, როგორც წესი, ეს ნაწილი აუთვისებელია ხოლმე, თუმცა ჩვენს შემთხვევაში ასე არ არის. ვნახოთ, როგორ შეიძლება აღნიშნული სივრცის მაქსიმალურად ათვისება.

ადგილი სამზარეულოს ინვენტარისთვის
ტაფები, ქვაბები, სამზარეულოს სხვადასხვა აქსესუარი - ყველაფერ ამას შესაძლოა ადგილი სამზარეულოს კარის უკან მიუჩინოთ.


პირსახოცების კუთხე
მშვენიერი იდეაა პატარა აბაზანისთვის, უბრალოდ დაამაგრეთ კარზე რამდენიმე საკიდი და ნახეთ რა მოსახერხებელია.


ჰალსტუხების რიგი
თუ ოფისში მუშაობთ და ჰალსტუხი თქვენი განუყრელი ატრიბუტია, შეგიძლიათ კარს უკან მისი შესანახი სივრცე მოიწყოთ.


წიგნების თარო
თუ სახლში წიგნების შესანახი ადგილი ვერ გამოძებნეთ, შეგიძლიათ სცადოთ ჩვენ მიერ შემოთავაზებული ვარიანტი. თაროები შეგიძლიათ საკუთარი ხელით გააკეთოთ.


პირადი ჰიგიენის ნივთები
სულაც არ არის აუცილებელი, შამპუნი და ჰიგიენის სხვა საშუალებები აბაზანაში შეინახოთ, შეგიძლიათ ადგილი ნებისმიერი კარის უკან გამოუძებნოთ.


წვრილმანები
წვრილმანების შესანახად შეგიძლიათ კარზე გამჭვირვალე სტელაჟი გააკეთოთ. ეს ძალიან პრაქტიკულია.


ადგილი საუთოო დაფისთვის
კარის უკან არსებული სივრცე იდეალურია საუთოო დაფის შესანახად.


საკიდი
შემოსასვლელში არასდროს არის საკმარისი ადგილი, სცადეთ და საკიდები კარის უკანაც გააკეთეთ, ნახეთ, რამდენ ადგილს დაზოგავთ.


ვიწრო კარადა
ნახევარ მეტრზე ნაკლები სივრცეც კი შეიძლება გახდეს ნივთების შესანახი იდეალური ადგილი.


დასაკიდი კალათები
კარზე შეგიძლიათ დაკიდოთ სამდონიანი შესანახი სისტემა დასაკიდი კალათის სახით.


დასაკიდი კარადა
სულაც არ არის აუცილებელი, კარის უკან გააკეთოთ სრულფასოვანი კარადა, დასაკიდი ვარიანტიც ძალიან პრაქტიკულია.


ორგანაიზერი ფეხსაცმლისთვის
დასაკიდი ფეხსაცმლის ორგანაიზერი სერიოზულად ხსნის ადგილის დეფიციტის პრობლემას.