ზოგჯერ ეს ფრინველები არ გვაძლევენ მშვიდად ცხოვრების საშუალებას. მიუხედავად იმისა, რომ მტრედი მშვიდობის სიმბოლოდ მიიჩნევა, ისინი საკმაოდ აბინძურებენ ჩვენს აივანს, ტოვებენ ბუმბულებს და ექსკრემენტებს, რასაც შეუძლია გააფუჭოს ნებისმიერი გარემო, რომ აღარაფერი ვთქვათ ესთეტიკაზე და სუნზე. როგორ დავაღწიოთ თავი ამ პრობლემას?
შესაძლოა გაგიკვირდეთ, მაგრამ ამ პრობლემის მოგვარებაში მცენარეები დაგეხმარებათ.

ლავანდა


მტრედების აივნიდან მოსაშორებლად შესანიშნავი გზაა ლავანდა. ამ მცენარის სურნელს შეიძლება დამამშვიდებელი ეფექტი ჰქონდეს ადამიანებზე, მაგრამ აფრთხობდეს მტრედებს. ამ არომატულ მრავალწლიან მცენარეს აქვს დამამშვიდებელი და ანტისეპტიკური თვისებები. უყვარს მზიანი ადგილები და მშრალი ნიადაგი. არის გვალვაგამძლეა და არ საჭიროებს ხშირ მორწყვას.

კაქტუსი



კიდევ ერთი ასეთი მცენარე არის კაქტუსი. ეს შესანიშნავი ვარიანტია, განსაკუთრებით თუ ცხოვრობთ ცხელ, მშრალ კლიმატში. მტრედები უბრალოდ ვერ იტანენ ეკლებით დაფარულ მცენარეებს. კაქტუსს შეუძლია ღეროებში წყლის დაგროვება და არ აშინებს მზის კაშკაშა შუქი და მინიმალური მორწყვა.

რეჰანი


რეჰანის მძაფრი არომატი და გამო შეიძლება გამოვიყენოთ მტრედის საწინააღმდეგოდ. ფრინველებს აქვთ მგრძნობიარე ყნოსვა, რეჰანი კი მათთვის უსიამოვნო სუნს გამოსცემს. გარდა ამისა, მცენარე შეიცავს ეთერზეთებს, როგორიცაა ევგენოლი და ციტრონელოლი, რომლებიც მოქმედებენ როგორც მტრედების ბუნებრივი რეპელენტები.
რეჰანი ერთწლიანი მცენარეა სურნელოვანი მწვანე ან მეწამული ფოთლებით, მას სჭირდება მზის შუქი, სითბო და რეგულარული მორწყვა. ის სწრაფად იზრდება და ვარგისია ზაფხულში ტერასაზე გასაშენებლად. გარდა ამისა, ის შეიძლება გამოყენებულ იქნას სამზარეულოში.

ველური პიტნა


პიტნის მკვეთრი სურნელი შესაძლოა უსიამოვნო იყოს მტრედებისთვის. სწორედ ეს მძაფრი სუნი მოგაშორებთ არასასურველ ფრინველებს.
პიტნა იზრდება მზიან და ნახევრად დაჩრდილულ ადგილებში, არის ადვილი მოსავლელია. ის მრავლდება თესლით და სწრაფად იზრდება. მცენარის ფოთლები შეიძლება ჩაის დაამატოთ.

როზმარინი

კიდევ ერთი ასეთი მცენარე არის როზმარინი. ის ძალიან ადვილად მოსავლელია, იზრდება სხვადასხვა კლიმატში.
მარადმწვანე ბუჩქი გვალვაგამძლეა და კარგად იზრდება ღია გრუნტში და ქოთნებში. როზმარინი ასევე გამოიყენება კულინარიაში სანელებლად და აქვს სამკურნალო ანტისეპტიკური და მატონიზირებელი თვისებები.