ზაფხული საუკეთესო დროა მშენებლობისა და რემონტისათვის. სახლისა, თუ აგარაკის რემონტისას, ერთ-ერთი მნიშვნელოვანი ეტაპი იატაკის მოპირკეთებაა. დღეს ბაზარზე იატაკის მოსაპირკეთებელი მასალის საკმაოდ მრავალფეროვანი არჩევანია, მათ შორის ყველაზე გავრცელებული და მოთხოვნადი მასალა-ლამინირებული იატაკია.ლამინატის გამოყენებით შესაძლებელია მიიღოთ როგორც ხარისხიანი, ასევე ვიზუალურად ლამაზი იატაკი ზედმეტი დანახარჯის გარეშე.ეფექტური შედეგის მისაღებად აუცილებელია იცოდეთ მასალის სწორად შერჩევა. რჩევისთვის ჩვენ ჰიპერმარკეტების ქსელის „გორგიას“ სპეციალისტს მივმართეთ:

- რა არის და რა დადებითი მხარეები აქვს ლამინატს?
- „ლამინატი წარმოადგენს იატაკის ფილას, რომელიც შედგება 4 ფენისგან:

1. ლამინირებული (დამცავი) ფენა-მელამინის ან აკრილის ფისის
   (ფოლიო) აპკი, თვითონ ფოლიოს სისქე (20,35-100 მკ) განსაზღვრავს შემდგომ პროდუქციის ცვეთამედეგობას;
2. დეკორატიული ფენა (დიზაინი); დაბეჭდილი ქაღალდი ხის ან სხვანებისმიერი მასალის იმიტაციით;
3. ნატურალური ხის ბოჭკოები HDF- (მაღალი სიმკვრივის ბოჭკოვანი ფილა) ან MDF – (საშუალო სიმკვრივის ბოჭკოვანი ფილა);
4. ლამინატის ქვედა PVC შრე (ძირი), რომელიც იცავს ფილას დეფორმაციისგან.

ლამინატის მთავარი დადებითი მხარე მისი პრაქტიკულობაა მონტაჟისა და ექსპლუატაციის დროს. მისი მონტაჟი საკმაოდ მარტივი და სწრაფია და არ საჭიროებს რაიმე სახის განსაკუთრებულ ცოდნას. მომხმარებელს თავადაც შეუძლია იატაკის დაგება. ლამინატის გამოყენება შესაძლებელია როგორც საცხოვრებელ სახლებში, ასევე კომერციულ ფართებში, მისი მოვლა და წმენდა საკმაოდ მარტივია.

- როგორ უნდა შევარჩიოთ ლამინატის სახეობა?

- ლამინატის სახეობები განსხვავდება კლასისა და სისქის მიხედვით.
არსებობს 6, 7, 8, 8.3, 10, 10.3 და 12მმ სისქის ლამინირებული იატაკი. თუ იატაკის ზედაპირი არის იდეალურად სწორი და არაა ნესტიანი ადგილი, ნებისმიერი სისქის ლამინირებული იატაკის დაგებაა შესაძლებელი, მაგრამ თუ იატაკის ზედაპირი არაა იდეალურად სწორი მაშინ აუცილებელია ლამინირებული იატაკის სისქე იყოს 10მმ,11მმ,12მმ სისქის.
რაც შეეხება ლამინატის კლასს: - ლამინატის რამდენიმე კლასი გამოიყოფა, რომელიც მისი გამძლეობის შესაბამისად განისაზღვრება. არსებობს 31, 32, 33 და 34 კლასის ლამინატი.

- რის მიხედვით ხდება ლამინატის კლასების მიხედვით შერჩევა?
- კლასების შერჩევა ხდება ოთახში იატაკზე დატვირთვის ინტენსივობის მიხედვით. მაგალითად:

• 31 კლასი - რეკომენდებულია არაინტენსიური დატვირთვის ოთახებში- საძინებელში ან კაბინეტში;
• 32 კლასის ლამინატი - იდეალურია როგორც საცხოვრებელ ფართში ინტენსიურ და არაინტესიური დატვირთვის ოთახებში, ასევე გამოიყენება საშუალო დატვირთვის კომერციულ ფართებშიც;
• 33და 34კლასი - რეკომენდებულია საცხოვრებელ სახლებსა და კომერციულ ფართებში ინტენსიური დატვირთვის პირობებში.

ასევე არსებობს ნესტგამძლე ლამინატები, რომლის გამოყენებაც თავისუფლად შეიძლება აბაზანასა და სამზარეულოში.

- რას სთავაზობს მომხმარებელს „გორგია“?
- „გორგიაში“ წარმოდგენილი გვაქვს ლამინირებული იატაკის მრავალფეროვანი არჩევანი. გვაქვს 200 ზე მეტი დასახელების ლამინატი საუკეთესო ფასად - 13 ლარიდან. ასევე გვაქვს ექსკლუზიური ბრენდის ლამინატები, რომლებიც მხოლოდ გორგიაშია წარმოდგენილი. ესენია გერმანული ბრენდის „ეგერის“ ლამინატი, რომლის ფასიც იწყება 15,90 ლარიდან, ასევე თურქული წარმოების „ილდიზის“ ბრენდის ლამინატი, რომლის ფასიც იწყება 17,30 ლარიდან. ორივე ბრენდის ლამინატი არის ნესტგამძლე, მათი შემადგენლობის 90% ნატურალური ხეა. „ეგერისა“ და „ილდიზის“ სისქე 6 დან 12 მმ-მდეა და მიეკუთვნება 31, 32 და 33 კლასს. ამ ეტაპზე დამატებითად დიდუბის ფილიალში გვაქვს აქცია: თუ ივლისის ბოლომდე დიდუბის ფილიალში შეიძენთ ლამინირებულ იატაკს 10 კვ.მ -დან, ისარგებლებთ უფასო მიტანის სერვისით თბილისის მასშტაბით.
ხარისხიანი და ხელისაწვდომი პროდუქციის გარდა, „გორგიას“ ყველა ფილიალში მიიღებთ პროფესიონალურ რჩევეებს ჩვენი კოპმეტენტური პერსონალისგან.“ - განაცხადა „გორგიას“ სპეციალისტმა.