შპალერი მუდმივ კლასიკად ითვლება საცხოვრებელ ზონაში კედლების გაფორმებისთვის. ბევრი ადამიანი ირჩევს შპალერს ინტერიერის გასაფორმებლად, თუმცა, არსებობს სხვა ალტერნატივაც, ეს გახლავთ კედლების გადაღებვა, რომელიც ხშირ შემთხვევაში ძალიან პრაქტიკულიც არის. მოდით ვნახოთ, რა შემთხვევაში სჯობს ამ მეთოდის გამოყენება.

როდესაც სახლში კატები არიან


შპალერი კატების უმრავლესობისთვის ფეტიშია, რადგან მოსახერხებელია მათი კლანჭებისთვის. თუ სახლში კატა გყავთ, ცალსახად სჯობს კედლები შეღებოთ. რადგან კედლის დაზიანების შემთხვევაში ნებისმიერი დაზიანების გამოსწორება ყოველთვის ადვილია.

სამზარეულოში


გვერწმუნეთ, რაც გინდა კარგი ხარისხის შპალერი გქონდეთ სამზარეულოში, თუნდაც ისეთი, რომელიც ირეცხება, მაინც შეგიქმნით გარკვეულ დისკომფორტს, ამიტომ გირჩევთ კედლები გადაღებოთ.

 თუ გსურთ ინტერიერის ხშირად შეცვლა



შპალერის მთლიანად ხელახლა გაკვრა საკმაოდ შრომატევადი და არცთუ იაფი საქმეა, მაშინ როდესაც თანამედროვე საღებავების შემთხვევაში შესაძლებელია არსებული კედების გადაღებვა. ამიტომ, თუ გსურთ ხშირად შეცვალოთ თქვენი ინტერიერის ფერი, უმჯობესია საღებავი აირჩიოთ.

 თუ სახლში ბავშვები გყავთ



ძალიან ძნელია შეაჩერო ბავშვი, როცა შპალერზე დახატვა სურს, ამ დროს შპალერი ნადგურდება, აი შეღებილი კედლის შემთხვევაში კი გადაღებვა ბევრად მარტივია. თანამედროვე საღებავი ყოველთვის შეიძლება ჩამოირეცხოს გამხსნელით ერთ წუთში და სწრაფად გადაღებოთ სხვა ფრად.