სამწუხაროდ, სააბაზანო და საპირფარეშო ხშირად არ არის იმ ზომის, როგორიც გვჭირდება ხოლმე - ძირითადად მას ძალიან მცირე ადგილი უკავია. როგორ მოვიქცეთ, რომ ის მაინც კომფორტული და დახვეწილი იყოს?

პირველ რიგში შეარჩიეთ სტილი. თუ კლასიკური სტილი მოგწონთ, ღია და სადა ფერი შეარჩიეთ.

შეზღუდულ სივრცეში ეფექტურად გამოიყურება მუქი ფერებიც. თუმცა ამ შემთხვევაში გათვალისწინებული უნდა იყოს ორი ფაქტორი - ნიუანსი და კონტრასტი. თუ უპირატესობას ნიუანსს ანიჭებთ, მაშინ უნდა არსებობდეს ფერთა ჰარმონია, ხოლო თუ საუბარია კონტრასტზე, მაშინ უნდა გაითვალისწინოთ ერთი წესი - არა უმეტეს ერთი რადიკალური ზედაპირისა ერთ სივრცეში.


არის ერთი ფაქტორი, რომელთან მიმართებაშიც პატარა სივრცეში სიფრთხილეა საჭირო, ეს არის ორნამენტები. ეს ეხება თავად ორნამენტის ზომას და ასევე რაოდენობას.


იცოდეთ, რომ ორნამენტი აუცილებლად უნდა გააზავოთ სადა ფილებით, მაგალითად კედლები ორნამენტებით და იატაკი და ჭერი სადა. თუ ორნამენტი აქცენტის სახით არის ინტერიერში, მაშინ კედლები სადა და მშვიდი უნდა იყოს.
რაც შეეხება ფორმებს პატარა, სივრცეში უპირატესობა ლაკონურ ფორმებს უნდა მიანიჭოთ.