სივრცის ზონირების დროს დაშვებული 5 ყველაზე გავრცელებული შეცდომა

არსებობს ზონირების 5 ძირითადი საშუალება, რომლის გაკეთების დროსაც ხშირად უშვებენ შეცდომებს. მოდით, განვიხილოთ თითოეული ვარიანტი.

1. კედელი თუ ტიხარი


არ გირჩევთ მკვეთრი ფერების გამოყენებას, ის არაბუნებრივად გამოიყურება. ეცადეთ მიჰყვეთ კონკრეტულ არქიტექტურას და ეცადეთ ტიხარი იყოს მაქსიმალურად ბუნებრივი.


2. მასალა

ტიხრის მთავარი მიზანია სივრცე გაყოს ზონებად, მაგალითად სამუშაო, სასადილო, დასაძინებელ ზონად. ეს არ არის დიზაინის ელემენტი. გაყოფა შეიძლება გაკეთდეს იატაკის საფარითაც და მინის ტიხრითაც, ეს არის ყველაზე აპრობირებული და გემოვნებიანი გადაწყვეტილება, რაც მთავარია, ზონირებას აქვს თავისი ფუნქციები.


3. ავეჯი

არ გირჩევთ მოკლე სტელაჟების
გამოყენებას, როდესაც რჩება ადგილი სტელაჟსა და ჭერს შორის. მართალია, ვიზუალურად ის ახდენს სივრცის ზონირებას, თუმცა არცთუ ლამაზად და ესთეტიურად გამოიყურება. როდესაც სტელაჟი ჭერამდეა, ის თავის ფუნქციას ბევრად ეფექტურად ასრულებს. ასეთი გადაწყვეტილება ბევრად ჰარმონიულია.


4. ტექსტილი

მსუბუქი, გამჭვირვალე ტულის ფარდა ნამდვილად ვერ იქნება ზონირების საშუალება. ყველაფერი მოჩანს, ამიტომ მის გაკეთებას არანაირი აზრი არ აქვს. ეს არც ლამაზია და მით უმეტეს, არც პრაქტიკული. შეგიძლიათ სქელი ფარდებით ჩაანაცვლოთ. არ არის აუცილებელი, სულ ჩამოფარებულ გქონდეთ, საჭიროების შემთხვევაში შეგიძლიათ ჩამოაფაროთ და ის თავის ფუნქციას შესანიშნავად შეასრულებს.


5. პოდიუმი

ეს გახლავთ ზონირების ყველაზე საკამათო მეთოდი. არ ღირს პოდიუმის გაკეთება პოდიუმისთვის. ზედმეტი საფეხური თქვენს ინტერიერს მეტად პრაქტიკულს ვერ გახდის. თუ ოჯახში ბავშვები ან მოხუცებიც არიან, პოდიუმი მხოლოდ დამატებით პრობლემებს შეგიქმნით. თუ მაინცდამაინც მსგავსი მეთოდის გამოყენება გსურთ, შეგიძლიათ განიხილოთ სხვა ვარიანტი. მაგალითად, შეგიძლიათ გააკეთოთ ერთგვარი ნიშა ბევრი შესანახი სისტემით. ეს პრაქტიკულიც არის და ლამაზიც. და რაც მთავარია, არ მოგიწვეთ დამატებითი საფეხურის გამოყენება.

კომენტარის დამატება