დასაკიდი ბალიშები ხშირად საზურგის ფუნქციას ასრულებს. ასეთი ბალიშები ძალიან კარგად გამოიყურება როგორც საძინებელში, ისე კაბინეტსა თუ ლოჯში. რა უპირატესობა აქვს ასეთ ბალიშებს? მთავარი უპირატესობა ის გახლავთ, რომ ოთახს სიმყუდროვეს სძენს. გარდა ამისა, ის ძალიან მოხერხებული, კომფორტულია. აღარაფერს ვამბობთ იმაზე, რომ ბალიშის პირის, ანუ მისი ფერის შეცვლით შესაძლებელი ხდება ინტერიერის ძალიან მარტივად გადახალისება.

როგორც წესი, საზურგის ნაცვლად გამოიყენება ერთი დიდი ან ორი პატარა ზომის ბალიში. ბალიშების რაოდენობა საწოლის კონსტრუქციაზეა დამოკიდებული, შესაძლებელია 3-4, ასევე 6-9 ბალიშის გამოყენება.

ბევრი ბალიში რამდენიმე რიგად შეიძლება განთავსდეს.

როგორც წესი, ასეთი ბალიში ბრტყელი ფორმის გახლავთ, მატრასის მსგავსი, თუმცა არც ფუმფულა ბალიშების გამოყენებაა ცუდი იდეა.
ბალიში შესაძლოა იყოს კვადრატული, მრგვალი, სხვადასხვა გეომეტრიული ფორმის.

ყველაზე ხშირად ბალიშები ხის სამაგრებზე მაგრდება. შეიძლება გამოიყენოთ ხის ჯოხიც. შესაძლებელია საკიდების გამოყენებაც. შეგიძლიათ ბალიშები პირდაპირ საწოლის თავსაც კი მიაბათ.

ფერი თავად უნდა შეუხამოთ ინტერიერს. შეარჩიეთ ლამაზი, ორიგინალური დიზაინი.