თუ თქვენი აივანი ჯერ კიდევ ის ადგილია, სადაც უსარგებლო ნივთებსა და ცარიელ ქილებს ინახავთ, დროა ყველაფერი შცვალოთ და იავანი იმ ადგილად აქციოთ, სადაც ცხელი ზაფხულის საღამოების გრილად და კომფორტულად გატარებას შეძლებთ, ჩვენ კი მოგაწვდით იდეებს, როგორ შეიძლება ამის გაკეთება.

შირმა

იმისათვის, რომ საყვარელ ადამიანებთან ერთად აივანზე საღამოს მშვიდად გატარება შეძლოთ, სცადეთ შირმის გაკეთება, ის უცხო თვალისგანაც დაგიცავთ და არასასიამოვნო ხმაურისგანაც.

სარეკლამო ბანერი

ღია აივნის ქარისაგან, წვიმისა და ხმაურისგან დასაცავად გამოგადგებათ ასევე სარეკლამო ბანერი.

ტერასის დაფა

ღია აივანს მრავალი უარყოფითი თვისება აქვს, ერთ-ერთი იატაკია, ყველაზე ჭუჭყიანი და სველი ადგილი, ამიტომ დიასახლისები მის საფარად ხშირად კერამიკულ ფილებს ირჩევენ ხოლმე, თუმცა, გვინდა დაგარწმუნოთ, რომ ამ შემთხვევაში ტერასის დაფა ბევრად მოსახერხებელი და კომფორტულია.

თაროები და სტელაჟი

პატარა აივნის მთავარი მტერი მასიური კარადაა, რომელიც ადგილსაც იკავებს და სივრცესაც ამახინჯებს, მას ძალიან კაგრად ჩაანაცვლებს სტელაჟი ან პატარა, მსუბუქი თაროები.

დასაკეცი ავეჯი

შეზღუდული სივრცის ყველაზე ერთგული მეგობარი მობილური, მრავალფუნქციური ავეჯია.

ხელოვნური ბალახი

ფიქრობთ, ხელოვნური საფარის ადგილი აივანზე არ არის? რატომაც არა, ნახეთ, რა ლამაზად და კომფორტულად გამოიყურება, მით უმეტეს თუ ოჯახში პატარა ბავშვია.

ჰამაკი

ეს კი ის ატრიბუტია, რომელიც ნამდვილად უზრუნველყოფს დამქანცველი სამუშაო დღის შემდეგ თქვენს რელაქსსა და მშვიდ საღამოს.

ოთახის მცენარეები

რა გიშლით ხელს იმაში, რომ პატარა აივანი ნამდვილ ორანჟერეად აქციოთ? ამისთვის მხოლოდ მონდომება და ოთახის მცენარეები დაგჭირდებათ.