როგორ შევარჩიოთ ისეთი ავეჯი, თან ტევადი რომ იყოს და თან დიდი ადგილიც რომ არ დაიკავოს?
თუ სახლში სივრცე შეზღუდულია, მნიშვნელოვანია, რომ ავეჯი იყოს არა მარტო პატარა ზომის, არამედ ფუნქციურიც. შერჩევის დროს ეცადეთ:

არ გადააჭარბოთ ზომაში
დიახ, ავეჯი არ უნდა იყოს დიდი ზომის, თუმცა უნდა იყოს ტევადო, მაქსიმალურად მორგებული თქვენს სივრცესა და მოთხოვნილებას.

ავეჯი იყოს მაქსიმალურად სადა

ფასადი უმჯობესია იყოს ნეიტრალური, სადა ფერის, ზედმეტი აქსესუარების და ელემენტების გარეშე. გახსოვდეთ, სისადავე ყოველთვის მომგებიანია, ის მოდიდან არასდროს გადავა.

სცადეთ, აქცენტი გააკეთოთ დასაკეც თუ

გასაშლელ მოდელებზე
ფუნქციური ნივთები, გასაშლელი თუ დასაკეცი ავეჯი სულ უფრო და უფრო აქტუალური ხდება. თქვენც გირჩევთ, სწორედ ასეთ მოდელებს მიაქციოთ ყურადღება.

უპირატესობა მიანიჭოთ ღია ფერებს
რაც შეეხება ფერებს, ცალსახაა, რომ პატარა სივრცეს ღია ფერები უფრო უხდება, ვიდრე მუქი, ეს ეხება არა მარტო ავეჯს.

არა მასიურ ავეჯს

ავეჯი სასურველია იყოს მაქსიმალურად მსუბუქი, ჰაეროვანი, ასე სივრცე ნაკლებად გადაიტვირთება და ინტერიერი ბევრად ლამაზი და დახვეწილი გამოჩნდება.

დაიცავით სიმეტრია

და ბოლოს სიმეტრია, ეს ის ცნებაა, რომლის დაცვაც აბსოლუტურად ყველაფერში ძალიან მნიშვნელოვანია, მათ შორის ავეჯის შერჩევის და განთავსების დროსაც. გადატვირთული სივრცე ლამაზი და მიმზიდველი არასდროს იქნება.