ამჟამინდელმა მფლობელმა ეს ვილა 2014 წელს 120 მლნ. აშშ დოლარად შეიძინა, რაც იმ დროისთვის რეკორდული თანხა გახლდათ.

კონექტიკუტის შტატში აშშ-ის ყველაზე ძვირადღირებული სახლი იყიდება. ახლანდელი მფლობელები მასში 150 მლნ. დოლარის აღებას ფიქრობენ. სახლს ყველაზე ძვირად ღირებულის ტიტული 2014 წეს მიანიჭა, როდესაც ის 120 მლნ დოლარად გაიყიდა. ამჟამად აღნიშნული ტიტული დაკარგა, თუმცა ქვეყნის ერთ-ერთი ძვირად ღირებული ისევ არის.

სახლის მეპატრონემ გააახლა ფასადი და შეცვალა ყველა კომუნიკაცია, ელექტროსადენები. გააკეთა ასევე სარდაფი და დიდი სათავსო. თუმცა სარემონტო სამუშაოები ბოლომდე დამთავრებული არ არის.

საცხოვრებელი ფართი 1,2 ათასი კვადრატული მეტრია. სახლს აქვს 8 საძინებელი და აბაზანა, რამდენიმე მისაღები ოთახი და სასადილო და სამზარეულო.
სახლში ასევე არის სამუშაო კაბინეტი და სოლარიუმი. ვილას აქვს რამდენიმე ღია ვერანდა დასასვენებელი და სასადილო ზონებით.

თავად ნაკვეთი 20 ჰექტარზეა გადაჭიმული. უკანა ეზოში არის ლამაზი ბაღი, ბუჩქები და ხეები, ასევე დიდი აუზი და ჯაკუზი, მოსასვენებელი და სასადილო ადგილი.

ტერიტორიაზევე, გარდა ძირითადი სახლისა, არის სამსაძინებლიანი კოტეჯი სტუმრებისთვის და კიდევ ორსაძინებლიანი სახლი ასევე სტუმრებისთვის. აქვე არის ორანჟერეა და აბანო. სახლის საკუთრებაშია ასევე ორი კერძო სანაპირო და პატარა კუნძული.