ამ სიიდან რომელიმეს აკეთებთ? თუ არა - სულ ტყუილად. დაიწყეთ თუნდაც რამდენიმე პუნქტით და გაოცდებით, ისე შეიცვლება თქვენი ცხოვრება.

გაითავისეთ "გონივრული" კვება
რამდენიმე ჩვევაა, რომელიც გეხმარებათ იმაში, რომ წონაც აკონტროლოთ და არც ზედმეტი ჭამა მოგივიდეთ:

• ყოველთვის მიირთვით მაგიდასთან. ეცადეთ მოერიდოთ ტელევიზორთან და კომპიუტერთან წახემსებას.
• მოამზადეთ და მიირთვით კარგ განწყობაზე. თუ ცუდ ხასიათზე ხართ, უფრო იოლია, იმაზე მეტი ჭამოთ, ვიდრე საჭიროა.
• არ იჩქაროთ, იგრძენით საჭმლის გემო.
• ჭამამდე ნახევარი საათით ადრე დალიეთ ჭიქა წყალი.
• ყველაზე გემრიელი (და ხშირად - ყველაზე ნაკლებად სას
  არგებლო) მიირთვით ტრაპეზის ბოლოს.
• მიირთვით სიწყნარეში, არ გადაიტანოთ ყურადღება ტელევიზორზე, ჭორაობაზე თუ კითხვაზე.

დაყნოსეთ დილით ფორთოხალი
კვლევებმა ცხადყო, რომ ეთერზეთები, რომლებიც ციტრუსებშია, მართლაც დადებითად მოქმედებს განწყობაზე და ამცირებს მღელვარების დონეს. ერთ-ერთი კვლევის შედეგებმა ცხადყო, რომ ის ადამიანები, რომლებიც დილას ფორთოხალსა და ლავანდას ყნოსავენ, უფრო ნაკლებად ღელავენ და წუხან.

იზრუნეთ თვალებზე
კომპიუტერთან დიდხანს მუშაობა და გაჯეტების ხშირი გამოყენება ცუდად აისახება მხედველობაზე. თვალები რომ დაიცვათ, ყოველ 20 წუთში ერთხელ გააკეთეთ შესვენება.

სიწყნარე და სიმშვიდე
დაჯექით ლოტოსის პოზაში, მოდუნდით და დახუჭეთ თვალები. ნელა ჩაისუნთქეთ და ამოისუნთქეთ. იგრძნობთ, რომ ყველა ამოსუნთქვაზე პრობლემებსაც იშორებთ და წინა დღის ღელვასაც. ეს ვარჯიში ხშირად იმეორეთ.

ჩამოდით ერთი გაჩერებით ადრე
თუ სამსახურში მიკროავტობუსით ან ავტობუსით დადიხართ, ჩვევად შემოიღეთ, ერთი გაჩერებით ადრე ჩამოსვლა. სამუშაოს წინ მცირე გასერნება ძალიან წაადგება თქვენს ორგანიზმს.

უარი თქვით გაჯეტებზე გარკვეულ საათებში
რაღაც საათები გქონდეთ, როცა საერთოდ არ ისარგებლებთ გაჯეტებით და კომპიუტერით, განსაკუთრებით - ძილის წინ. და კიდევ, ძილის დროს ტექნიკა გქონდეთ გამორთული და ცოტა მოშორებით.

ადრე დაწექით დასაძინებლად
ბევრი დაავადება, სტრესები და ა.შ., ძილის უკმარისობით არის ხოლმე გამოწვეული. ეცადეთ ჩვეულებრივზე ერთი საათით ადრე დაწვეთ დასაძინებლად და მაშინვე იგრძნობთ სხვაობას.



იარეთ კიბეებზე
გადაეჩვიეთ ლიფტით სარგებლობას - განსაკუთრებით, თუ არ გყოფნით დრო ვარჯიშისთვის. ყველაზე ადვილი ვარჯიში კიბეებზე სიარულია. 

თან ატარეთ ბოთლით წყალი
იყიდეთ მრავალჯერადი ბოთლი სასმელი წყლისთვის და ყოველთვის გქონდეთ თან. ამით გაუწყლოებასაც აიცილებთ თავიდან და მის თანმდევ პრობლემებსაც.