ექსპერტი გვიამბობს იმ უმნიშვნელოვანეს დეტალებზე, რომელთა წყალობითაც სახლში დაბრუნება ადამიანს განუსაზღვრელ ბედნიერებას მიანიჭებს.
სახლი ნივთების გარეშე უბრალოდ საცხოვრებელი ყუთია. სწორედ ის ნივთები განსაზღვრავს სახლის პატრონის ხასიათს, რომელთაც, ძალიან ხშირად, მტვრის ბუდეს ვუწოდებთ. ნივთებს გააჩნია თავისებურება მიიქციოს ყურადღება მიიზიდოს ადამიანი, ამიტომაც უნდა იყოს არა მხოლოდ კომფორტული და ლამაზი, არამედ მაქსიმალურად შეესაბამებოდეს მფლობელის ფსიქოლოგიურ ტიპს.
მოკლედ, თურმე ინტერიერში არსებობს ნივთები, რომელიც პირდაპირ არის დაკავშირებული ჩვენს ბედთან და ძალიან დიდ გავლენას ახდენს ადამიანის ცხოვრებაზე.

ყვავილები


ყვავილების საოცარი ზემოქმედება ადამიანის ყოფა-ცხოვრებაზე ჯერ კიდევ უძველეს დროში შენიშნეს. ითვლებოდა, რომ ავადმყოფ ადამიანს მცენარეები თუ გამოაჯანმრთელებდნენ, ამიტომ ცდილობდნენ სახლში ბევრი ჰქონოდათ.
გარდა ამისა, არომათერაპიის წყალობით, ყვავილები ძალიან დიდი გავლენას ახდენს ადამიანის ემოციურ მდგომარეობაზე. სახლში დაბრუნებულს ყოველ ჯერზე ულამაზესი მცენარეები რომ დაგხვდეთ, აუცილებლად იგრძნობთ სიმყუდროვეს, სიმშვიდეს და კმაყოფილებას.

ფერწერა და ფოტოგრაფია


არ ღირს ამ ორი დეტალის დაკნინება, ეს ორი რამ ადამიანის ხასიათზე საკმაოდ მკაფიო წარმოდგენის შექმნაში დაგვეხმარება, განსაზღვრავს პიროვნების ხასიათსა და სტატუსს, ასევე შეუძლია სივრცის ვიზუალურად დაკორექტირება, ადამიანისთვის ცხოვრების გახალისება. ეს განსაკუთრებით ეხება პეიზაჟებსა და პოზიტიური თემატიკის ფოტოსა თუ ნახატს. არსებობს ფსიქოლოგიური ტექნიკა, როდესაც ადამიანს სთხოვენ დახატოს ის, რაც მას გულით უნდა. როდესაც ის ამ ნახატს უყურებს, ფსიქოლოგიურად უახლოვდება საკუთარ მიზანს, ასე რომ, ეს პოზიტიურად მოქმედებს მის მომავალზე.
რაც შეეხება ფოტოებს, საყვარელი ადამიანების ფოტოები უბრალოდ გვაბედნიერებს და კარგ ხასიათზე გვაყენებს.

სარკე

დიდი სარკე ნებისმიერ ქალბატონის ინტერიერის შემადგენელი ნაწილია. მართალია, ის ვიზუალურად ზრდის სივრცეს, როგორც ინტერიერის შემადგენელი ნაწილი, თუმცა არანაკლებ მნიშვნელოვანია, სად იქნება განთავსებული, მაგალითად საწოლთან განთავსებული სარკე არ მიიჩნევა კარგ გადაწყვეტილებად.

სიმყუდროვის შემქმნელი დეტალები


ბევრი ადამიანი შანდალს მოძველებულ დეტალად მიიჩნევს, თუმცა ასე არ არის, ეს ნივთი ინტერიერში ძალიან გამოსადეგია, ქმნის სიმყუდროვეს და ლამაზია.

ასევე შეგიძლიათ შეარჩიოთ თქვენთვის სასურველი არომატი, იქნება ეს სანთელი თუ დიფუზორი, სურნელი ძალიან მნიშვნელოვანია.
საერთოდ კი, ნივთს არ აქვს ისეთი მნიშვნელობა, როგორც მის ისტორიას.