გაგიკვირდებათ, მაგრამ არსებობენ ადამიანები, რომლებიც მზად არიან ამ იშვიათი ეგზემპლარების შესაძენად ასტრონომიული თანხები გადაიხადონ.
სახლში ზაზუნას და თუთიყუშის ყოლა სასიამოვნოცა არის და ჩვეულიც, თუმცა ბოლო დროს ადამიანებს ეგზოტიკა უფრო იზიდავთ და მზად არიან ამ მხრივ გაინებივრონ თავი და ეგზოტიკურ შინაურ ცხოველებში მილიონები იხადონ.

ტიბეტური მასტიფი


ტიბეტური მასტიფის ლეკვი 8 000 დოლარი ღირს. ეს მისი საბოლოო ფასი სულაც არა არის, ზოგჯერ მოთხოვნილი თანხა მეტიც არის ან ნაკლები, თუმცა ამ შემთხვევაში დიდი ალბათობაა იმისა, ძაღლი უჯიშო იყოს. ამბობენ, რომ ერთ-ერთმა ჩინელმა მაგნატმა ამ ჯიშში 1,5 მლნ დოლარიც კი გადაიხადა. დიახ, ხალხი მზად არის სერიოზული თანხა გადაიხადოს სახეობაში, რომელიც 5000 წლის წინ ტიბეტის მონასტრებს იცავდა, ახლა კი გადაშენების პირას არის.

ჰოლანდ ლოპი


დაუჯერებელია, მაგრამ ფაქტია, ამ ჯიშის კურდღელი ყველაზე ძვირადღირებულია მსოფლიოში. მისი ფასი 1000 დოლარს აღწევს. საინტერესოა, რომ ეს კურდღელი საშუალოდ 10 წელი ცოცხლობს.
დიდი მოთხოვნით სარგებლობს აგრეთვე ახალზელანდიური თეთრი კურდღელი, ისინი აუქციონზე 500 დოლარად იყიდებიან. სწორედ ამ ჯიშის გახლავთ მსოფლიოს ერთ-ერთი ყველაზე ძვირადღირებული კურდღელი, რომელსაც საკუთარი დაცვაც კი ჰყავს.

სამეფო პითონი



როგორც უკვე აღვნიშნეთ, ბოლო დროს ძალიან აქტუალური გახდა სახლში ეგზოტიკური ცხოველების ყოლა, მაგალითად, პითონის. ამ შემთხვევაში ცხოველი ერთდროულად ორ ფუნქციას ასრულებს, ერთი, რომ აკმაყოფილებს პატრონის პატივმოყვარეობას და მეორე, იცავს მასპინძელს არასასურველი სტუმრებისგან. თუმცა, ისიც აღსანიშნავია, რომ ამ ქვეწარმავლის ყიდვის სურვილით ბევრი ადამიანი ნამდვილად არ გამოირჩევა.

სავანა


ეს კატების ყველაზე ძვირადღირებული ჯიშია მთელ მსოფლიოში. ის შინაური კატის და აფრიკული სერვალის ჰიბრიდია. მას აქვს გრძელი ფეხები, ხშირი, ლაქებიანი ბეწვი და სპეციფიკური ყურები, რომელიც მის ველურ წინაპარს გაგახსენებთ.

ხოჭო ირემი



ეს რქოსანი ხოჭო საკმაოდ დიდი პოპულარობით სარგებლობს და საკმაოდ ძვირიც ღირს. ფასი მის ზომაზეა დამოკიდებული. როგორც წესი, მისი სიგრძე 4-6 სმ-ს არ აღემატება, თუ ამაზე დიდია ზომით, შესაბამისად ფასიც უფრო მაღალი აქვს. მაგალითად, ერთ-ერთმა იაპონელმა სელექციონერმა 7,5 სმ ხოჭო ირემი 89 ათას დოლარად შეიძინა.

არავანა



ამ თევზის ღირებულება კი 80 000 დოლარია. ყველა კოლექციონერი როდი ახერხებს მის შეძენას, მაგრამ თუ მისით ტკბობა მოუნდება ვინმეს, შეუძლია ზოოპარკს ან ოკეანარიუმს ეწვიოს. თუ არავანა არ არის მისთვის ჩვეული თეთრი ფერის, არამედ სხვა შეფერილობისაა, მისმა ფასმა შესაძლოა 400 000 დოლარსაც კი მიაღწიოს.

ჰიაცინტის მაკაო


ყველაზე დიდი თუთიყუში მსოფლიოში ყველაზე ძვირადღირებულიც არის, მისი სხეულის სიგრძე 1 მ-ს აღწევს. ფრთის სიგრძე 40 სმ-ია, ხოლო კუდის - 50-6-სმ. ველურ ბუნებაში ამ ფრინველის ნახვა არც ისე ადვილია. მისი ფასი 12 000 დოლარია.

პალმის კაკადუ


კიდევ ერთი ჯიში თუთიყუშისა, რომელიც მის პატრონს 16 000 დოლარი დაუჯდება.

შიმპანზე


ბოლო დროს შიმპანზეს სახლში ყოლის ბევრი მსურველი გამოჩნდა. ადამიანებს მისი ინტელექტუალური შესაძლებლობები იზიდავს. მისის ფასი 60 000 ათას დოლარამდეა.

ლიონ ბიშონი


ლომისებრი ძაღლი მსოფლიოში ერთ-ერთი ყველაზე ძვირადღირებული, ამავდროულად იშვიათი ჯიშია, რომელიც თავის დროზე ფრანგებმა გამოიყვანეს, თუმცა 1960 წლისთვის ის ისეთ იშვიათობას წარმოადგენდა, რომ გინესის რეკორდების წიგნშიც კი შეიტანეს. ლიონ ბიშონის ლეკვი 4-8 ათასი დოლარი ღირს.