შიდა და ბაღის მცენარეების გაშენება თიხის (ტერაკოტას) ქოთნებში გარკვეულ უნარებს მოითხოვს. მოდით ვნახოთ, რატომ არის თიხა ასე პოპულარული მებაღეებს შორის.
თუ ახალბედა მებაღე ხართ ალბათ დაგაინტერესებთ: რით არის განსაკუთრებული თიხის ქოთნები? ათასობით სხვა საინტერესო ვარიანტის მოძიებაა შესაძლებელი. თუმცა, თიხის ქოთნები იყო და რჩება ბესტსელერებად. და აი, რატომ.

თიხა უძველესი დროიდან გამოიყენებოდა და მისი პოპულარობა საუკუნეებს, ათასწლეულებსაც კი ითვლის. გარდა იმისა, რომ თიხა იაფია, ის მარტივად დასამუშავებელიც არის.

თიხას ჯერ აშრობენ ღია ცის ქვეშ, რათა აორთქლდეს ტენიანობა. პატარა ქოთნებისთვის რამდენიმე დღე საკმარისია, დიდი ზომის ქოთნებს კი რამდენიმე კვირის განმავლობაში სჭირდება გამოშრობა.

თიხა, რომლისგანაც მზადდება ტერაკოტას ქოთნები, ღია ნაცრისფერია. აგურისფერს 970 ° C ტემპერატურაზე გამოწვის შემდეგ იღებს. სხვათა შორის, სიტყვა "ტერაკოტა", იტალიურიდან ითარგმნება, როგორც დამწვარი მიწა.
თუ ფიქრობთ, რომ ტერაკოტას ქოთნები სუსტია, ასე არ არის. ხალხი შეგნებულად იყენებდა ამ ბუნებრივ მასალას საუკუნეების განმავლობაში სხვადასხვა სფეროში: მშენებლობიდან დაწყებული ხელოვნებით დამთავრებული, თუმცა დღეს ბაზარზე ბევრი იაფი ანალოგი შეგხვდებათ.

ხარისხი და გამძლეობა დამოკიდებულია არა მხოლოდ იმაზე, თუ როგორ იწვება თიხა, არამედ მის შემადგენლობაზეც.
ვინაიდან თიხა არის ჯიში, რომელიც შედგება ორი ელემენტისგან: სილიციუმის და ალუმინისგან, რომლებიც შერეულია ნიადაგში სხვადასხვა პროცენტით, მსოფლიოში არ არსებობს იდენტური საბადოები - თიხა ყველგან განსხვავებულია შემადგენლობით და თვისებებით.

თუ ყველაზე გამძლე, მაღალი ხარისხის ტერაკოტას წარმოებაზე ვსაუბრობთ, მაშინ იტალიელებს ვერავინ შეედრება. საუკეთესო ტერაკოტა იტალიიდან მოდის. ოქროს სტანდარტი, რომლის შესახებაც ყველა პროფესიონალმა იცის, გალესტრო თიხაა, რომელიც მხოლოდ ტოსკანაში მოიპოვება. ამ თიხის შემადგენლობა მზა პროდუქტს განსაკუთრებულად გამძლეს და ყინვაგამძლეს ხდის.

უხარისხო ქოთნები ტემპერატურის ცვლილებების გამო სკდება. ფოროვანი ქოთანი შთანთქავს ტენს საკუთარ თავში. ცივ ამინდში ეს ტენი იყინება, ყინულად გადაიქცევა და ქოთანს შიგნიდან ხეთქავს.
ტერაკოტას შერჩევისას შეეხეთ პროდუქტს. ამოატრიალეთ ქოთანი, დადეთ ბრტყელ ზედაპირზე და თითით დაფარეთ სადრენაჟე ხვრელი. მიაკაკუნეთ კოვზით ან დანით. კარგი ხარისხის ტერაკოტა სასიამოვნო ხმას გამოსცემს, თუ ხმა ყრუა, ეს იმას ნიშნავს, რომ ქოთანი უხარისხოა.

კლასიკური ტერაკოტას ინტერიერის თითქმის ნებისმიერ სტილს უხდება, მაგრამ თუ მისი ფერი ჟანგს მოგაგონებთ, რაღაც უფრო მშვიდი ან, პირიქით, უფრო ნათელი გინდათ, ტერაკოტა ადვილად იღებება, შეგიძლიათ საკუთარი გემოვნებით გააფერადოთ.
ტერკოტას ქოთანი გამოადგება მცენარეს, რომელსაც არ მოსწონს ტენი ან ხშირად განიცდის ფესვის ლპობას და პირიქით.
გარკვეული პერიოდის შემდეგ ქოთანზე შეიძლება შენიშნოთ თეთრი საფარი. ეს სრულიად ნორმალურია და ზოგს მოსწონს ასეთი ეფექტი. ეს მხოლოდ წყლისა და სასუქის მინერალები და მარილებია, რომელიც ფოროვანი თიხის მეშვეობით იფილტრება. თუ არ მოგწონთ აყვავებული ქოთნები, შეგიძლიათ მცენარეები მორწყათ გამოხდილი ან წვიმის წყლით.