ლედი ხოსრიაშვილი საგურამოში, სოფელ ბიწმენდში ცხოვრობს და ყვავილების ბიზნესი აქვს. მის ეზოში სხვადასხვა ჯიშის უამრავი ყვავილი ხარობს. ჰყიდდა როგორც ყვავილებს, ასევე თესლსა და ბოლქვებს. თუმცა, ქვეყანაში საგანგებო მდგომარეობის ფარგლებში არსებული შეზღუდვების გამო, მათ გაყიდვას ვეღარ ახერხებს და მის მრავალშვილიან ოჯახს ძალიან გაუჭირდა. ქალბატონ ლედის 4 შვილი და მეუღლე ჰყავს, რომელიც არ მუშაობს.

- სოციალურ დახმარებას ვიღებთ, რომელიც ერთი თვიდან მეორე თვემდე უნდა ვიკმაროთ. გადავწყვიტე, რომ ყვავილები გამემრავლებინა. ზოგი ვიყიდე, ზოგი
მაჩუქეს და მოუთმენლად ველოდი გაზაფხულს. სამწუხაროდ, პირველი ყვავილის გამოჩენისთანავე საქართველოში კორონავირუსის გავრცელება დაიწყო და ვეღარ ვყიდი. თან ძვირად ღირებული ყვავილი მაქვს ნაყიდი. სესხი ავიღეთ, ახლა ყვავის, თვალსა და გულს მჭრის, მაგრამ ვერ ვყიდი.

- წინა წლებშიც გქონდათ ეს ბიზნესი?
- წინა წლებში ამდენი ყვავილი არ მქონდა, ნელ-ნელა ვამრავლებდი. ახლა სულ მცირე 6000 ლარი მაინც ვიზარალე. შარშან იასამანიც დიდი რაოდენობით გავყიდე.

- სად ყიდდით ხოლმე ყვავილებს?
- ჩამქონდა ნავთლუღის ბაზარში, მოდიოდნენ ვაჭრებიც და მიჰქონდათ. სოფლის მეურნეობით ვართ დაკავებულები, ყურძენი გვაქვს, მაგრამ ჯერ ადრეა. ყვავილების იმედად ვიყავით, მაგრამ ვერსად გამაქვს.

ყვავილების შეძენის ან დახმარების მსურველებს შეგიძლიათ დაუკავშირდეთ ლედი ხოსრიაშვილს ნომერზე:
597 72 35 09

თანხის ჩარიცხვა შეგიძლიათ
ანგარიშზე:
საქართველოს ბანკი
GE94BG0000000703618300
მიმღები: ხათუნა მაღლაკელიძე

საქართველოს ბანკი
16001019101
მიმღები : მანანა ხოსრიაშვილი






თამარ იაკობაშვილი