კრაკოვიდან 29 კილომეტრში მდებარე პოლონური სოფლის, სულოზოვას ზედხედი მართლაც საოცარია, ზღაპრული. ინტერნეტში განთავსებული მილიონობით სურათი მომხმარებლებს ფერადი მინდვრებითა და მიხვეულ-მოხვეული ქუჩით ახარებს, რომლის ორივე მხარეს სოფლის სახლების წითელი, ყავისფერი და ლურჯი სახურავები მოსჩანს. თითქმის 10 კმ სიგრძის ერთი ქუჩის მქონე სოფლის სურათები ელვის სისწრაფით გავრცელდა სოციალურ ქსელში და სოფელი პოპულარულ ტურისტულ ადგილად აქცია.

სულოზოვა ფაქტობრივად ჩვეულებრივი სოფელია. საყურადღებოდ შეიძლება ჩაითვალოს მხოლოდ ის ფაქტი, რომ თითქმის 6-ათასიან დასახლებას  მხოლოდ ერთი ქუჩა აქვს, სიგრძით 9 კილომეტრზე ცოტა მეტი. სოფელს პოპულარობა 2023 წლის გაზაფხულზე ერთ-ერთ სოციალურ ქსელში პოლიტოლოგ იან ბრემერის გვერდზე გამოქვეყნებულმა ერთმა ფოტომ მოუტანა.

დრონით გადაღებული ფოტო ვირუსულად გავრცელდა სოც ქსელებში, უმოკლეს დროში 6 მილიონზე მეტი ნახვა და დაახლოებით 50 ათასი მოწონება დაიმსახურა. ზღაპრული სილამაზის პოლონურ სოფელს "პატარა ტოსკანა" შეარქვეს, რამაც ნამდვილი ტურისტული ბუმი გამოიწვია და "მძინარე" დასახლებაც გამოაღვიძა.

სულოზოვას დასახლება არისტოკრატმა ოფიცერმა დააარსა. იგი პოლონეთის მეფეს ემსახურებოდა და მე-16 საუკუნეში განსაკუთრებული დამსახურებისთვის სჩუქრად მიწები მიიღო ყმებით. ოფიცერს ბევრი არ უფიქრია, ამ მიწებზე დასახლება გადაწყვიტა. ხელსაყრელი მდებარეობის გათვალისწინებით (სოფელი პიესკოვა სკალას ციხესიმაგრის მახლობლად მდებარეობდა, რომელიც მე-14 საუკუნეში მეფე კაზიმირ დიდისთვის აშენდა და მთავარი ადმინისტრაციულ ცენტრს, კრაკოვს, მხოლოდ 29 კილომეტრი აშორებდა ), პატარა სოფელი საკმაოდ სწრაფად გაიზარდა და სოფლის მეურნეობის აქტიური განვითარების წყალობით მფლობელს კარგი შემოსავალი მოუტანა.

ბატონყმობის გაუქმებამდე (მე-18 საუკუნის დასაწყისი) მთელ სამუშაოს ყმები ასრულებდნენ, შემდეგ კი ბევრი მათგანი საკუთარ სახლებში დარჩა. თავისი არსებობის მანძილზე სოფელმა, ისევე როგორც მთელმა რეგიონმა, მრავალი ტრაგიკული მოვლენა განიცადა, თუმცა ყოველ ჯერზე ახერხებდა გამოცოცხლებას.

მას შემდეგ სოფელში ბევრი არაფერი შეცვლილა, უბრალოდ, სახლები გახდა უფრო თანამედროვე და კეთილმოწყობილი, გაჩნდა თანამედროვე ტექნოლოგიები. მიწას ისევ ისე ამუავებენ და ტურისტებიც მიიზიდეს.
როგორც ოიკოვსკის ეროვნული პარკის ნაწილი, რომელიც თვალწარმტაცი ბუნებითა და უცნაური კლდოვანი წარმონაქმნებით არის ცნობილი, პოლონეთის ყველაზე გრძელი გზის მქონე სოფელი მომლოცველთა მარშრუტშია მისი დაარსების დღიდან. აღსანიშნავია, რომ პარკის ერთ-ერთი მთავარი ღირსშესანიშნაობაა ეგრეთ წოდებული "არწივის ბუდის ბილიკი", რომელიც ციხესიმაგრეების ჯაჭვს წარმოადგენს, გადაჭიმულს კრაკოვიდან წმინდა ქალაქ ჩესტოხოვამდე (დაახლოებით 160 კმ).

"არწივის ბუდეს" 400-მდე გამაგრებული გამოქვაბული აქვს, რომელიც თავდაცვითი სარტყლის ნაწილია და შექმნილია არა მხოლოდ ცნობილი სავაჭრო მარშრუტის, არამედ პოლონეთის სამეფოს სამხრეთ საზღვრების დასაცავად. გარდა ამისა, სოფელ სულოზოვას შესასვლელთან შეგიძლიათ იხილოთ ერთ-ერთი იდუმალი კლდის წარმონაქმნი, რომელიც ცნობილია როგორც "ჰერკულესის მაკე", შთამბეჭდავი კირქვის სვეტი 28 მ სიმაღლის არის.

მშვიდი ცხოვრება ადგილობრივი მოსახლეობის ჩვეული ცხოვრების წესია. თითქმის ყველა ოჯახს აქვს საკუთარი მიწის ნაკვეთი და ეს არ არის მხოლოდ პირადი ნაკვეთი, რომელიც მდებარეობს სახლის გვერდით, რომელიც, რა თქმა უნდა, მდებარეობს ქუჩაზე, სახელად ოლკუსკა-კრაკოვსკა.


მოჰყავთ სხვადასხვა კულტურaა: შვრია, ხორბალი, ჭვავი, ქერი, მზესუმზირა, სიმინდი, ბალახი პირუტყვისთვის, მწვანილი, სხვადასხვა ბოსტნეული და მარწყვიც კი.

იმის გათვალისწინებით, რომ ბალახის, მარცვლეულის ან ბოსტნეულის თითოეულ სახეობას სხვადასხვა ვეგეტაციის სეზონი აქვს და ფერმერები იყენებენ მოსავლის როტაციას, რაც საშუალებას აძლევს მიწას დაისვენოს, გასაკვირი არ არის, რატომ ჩნდება ასეთი მრავალფეროვანი ფერები და ჩრდილები ზედხედიდან.