ეს საოცარი ფოტოები, ტაო-კლარჯეთში, შავშეთში, სოფელ ველში გადაღებული, ნატალია კახიძემ შეკრიბა და სოციალურ ქსელში ჯგუფ "ჩვენი სოფლის სახლებში" გამოაქვეყნა. როგორც მოსალოდნელი იყო, ფოტოებს დიდი გამოხმაურება მოჰყვა. საქართველოს ისტორიული ტერიტორია, რომელიც რა ხანია, ჩვენი აღარ არის, ახლა ძირითადად არაქართველებით არის დასახლებული. 

როგორც ნატალიამ გვითხრა, ფოტოების დიდი ნაწილი ადგილობრივი ფოტოგრაფების გადაღებულია - მაგალითად, რამდენიმეს ავტორი ადნან გონულულეროღლუა (Adnan Gönüllüleroğlu), რამდენიმესი - ალი დემირი და ა.შ. 



ცნობისათვის, შავშეთი საქართველოს ისტორიულ-გეოგრაფიული მხარეა, ამჟამად თანამედროვე თურქეთის ტერიტორიაზე, წარმოადგენდა ისტორიული მესხეთის ნაწილს.