რა არის ტყეში მდგარ სახლზე რომანტიკული? ალბათ მხოლოდ სახლი რომელიმე ოკეანის ან ჩანჩქერის სიახლოვეს. ლამაზად მოჩანს, სასიამოვნოდ ჟღერს, თუმცა ტყეში სახლს სერიოზული მინუსებიც ახლავს თან და მოდით ვნახოთ, რამ შეიძლება დაგვინგრიოს ეს იდილია.

1. ჩრდილი, ჩრდილი და კიდევ ერთხელ ჩრდილი

თუ სახლის ტყეში აშენების გადაწვეტილება მიიღეთ, მორალურად უნდა იყოთ მზად იმისთვის, რომ მუდმივად ჩრდილში მოგიწევთ ცხოვრება.

2. სახლშიც სიბნელე

მეორე პრობლემას პირველი პრობლემა განაპირობებს. რათა თქმა უნდა, პრობლემები შეგექმნებათ ბუნებრივ განათებასთან დაკავშირებით. რაც უფრო მეტი ხე იქნება თქვენი სახლის სიახლოვეს, მით ბნელი იქნება თქვენი სახლი მთელი დღის განმავლობაში.

3. ხავსი და ობი

ამდენი ჩრდილი და მზის დეფიციტი განაპირობებს ჭარბ ობსა და ხავსს. ეს კი პრობლემაა, რადგან ხავსი ედება ირგვლივ ყველაფერს, საცალფეხო ბილიკებს, სახლს, კიბეებსაც კი.

4. ტონობით ფოთოლი

ტყეში სახლზე მეოცნებე ადამიანები არც კი ფიქრობენ ფოთლებზე, რაც სახუმარო თემა სულც არ არის. უამრავ ფოთოლს გატანა და დასუფთავება უნდა.

5. სახურავის გაწმენდა

რეგულარული წმენდა დასჭირდება არა მხოლოდ სახლის სახურავს, წყლის სისტემასაც.

6. მრავალრიცხოვანი მეზობლები

ამჯერად საუბარი გვაქვს არა ადამიანებზე, არამედ მწერებსა და ქვეწარმავლებზე, რომელთაც ნამდვილად ძალუძთ ნებისმიერი ადამიანისთვის პრობლემების შექმნა. ნამდვილი მეზობლების არარსებობას კი ხანდახან, განსაკუთრებით ცუდ ამინდებში, საკმაოდ იგრძნობთ. მოგინდებათ, ვინმე იყოს გვერდით, ვისთან ერთადაც გადაიტანთ მორიგ ავდარს ან უბრალოდ, გაჭირვებაში დამხმარედ იგულებთ.

7. გრუნტის წყლები
ტყეში აუცილებლად შეგექმნებათ წყლის პრობლემა, რადგან აქ, როგორც წესი, გრუნტის წყლების მაღალი დონე არის ხოლმე. ცენტრალურ კანალიზაციაზე საუბარი კი ზედმეტიც არის.