დასავლური მედიის ცნობით, ლეონარდო დიკაპრიო ლოს-ანჟელესში სახლს 1,7 მლნ დოლარად ყიდის. ესპანურ სტილში გადაწყვეტილი სახლი მთებში მდებარეობს, საიდანაც სილვერ-ლეიქის ძალიან ლამაზი ხედი იშლება.

სახლი 1930-იან წლებშია ნაშენები. ლეომ ის 1999 წელს შეიძინა, როცა ფილმი „ტიტანიკი“ გამოვიდა და პოპულარობის პიკზე იყო.

სახლში ყველანაირი კომფორტია შექმნილი: ოთხი საძინებელი და ხუთი სააბაზანო ოთახი, საკუთარი ლიფტი, ბიბლიოთეკა, აუზი, აღმოსავლური სტილის ტერასა და ულამაზესი ბაღი შადრევნით. ბუხრიანი სასტუმრო ოთახი იდეალურია მყუდრო საღამოებისთვის.

44 წლის მსახიობმა ლოს-ანჟელესში 5 მლნ დოლარად ახალი სახლი უკვე შეიძინა, სადაც ამჟამად მის 21 წლის გერლფრენდთან , კამილა მორონესთან ერთად ცხოვრობს.