სულ რამდენიმე წლის წინ ერთ-ერთმა მთავარმა პოპ-ვარსკვლავმა რიანამ, საბოლოოდ გადაწყვიტა ჰოლივუდში დასახლება და 6,8 მლნ დოლარიანი რეზიდენცია შეიძინა. ახლა კი ეს მდიდრული სასახლე ისევ გაყიდვაშია. ამჯერად სახლი 7,495 მლნ დოლარადაა შეფასებული.

სახლის ფართობი თითქმის 700 კვ.მ-ია. აქვს 6 საძინებელი და 9 სააბაზანო, რამდენიმე სასტუმრო ოთახი, საბილიარდო, საშინაო კინოთეატრი, სატრენაჟორო დარბაზი და სამზარეულო. ამავე ტერიტორიაზეა აუზი, მანქანის სადგომი, ავტოფარეხი მომღერლის მანქანების კოლექციისთვის და მოვლილი ბაღი, სადაც შეიძლება სუფთა ჰაერზე წვეულებების მოწყობა.

წყაროების ცნობით, მომღერალმა სახის გაყიდვა გარკვეული მიზეზის გამო გადაწყვიტა. ეს გახლავთ ინციდენტი, რომელიც გასული წლის მაისში მოხდა - რიანას სახლში შეშლილი თაყვანისმცემელი შევარდა. ის 12 საათი ელოდა ვარსკვლავს და საკუთარი მობილურის დატენვაც კი მოასწრო. საბედნიეროდ ამ დროს რიანა ნიუ-იორკში იმყოფებოდა.