ამ სახლის ყოფილი დიასახლისი, მისი გაყიდვით ვერავითარ სარგებელს ვერ მიიღებს, ის ხომ მრავალი წლის წინ გარდაიცვალა.

XX საუკუნის ყველაზე სექსუალურმა ქერამ, მერილინ მონრომ ეს იზოლირებული და მოკრძალებული სახლი ჰოლივუდში დრამატურგ არტურ მილერთან გაყრის შემდეგ შეიძინა, როცა პრეციდენტ კენედისთან რომანი წამოიწყო. შესაძლოა, ამიტომაც იყო უძრავი ქონების მიმართ მისი მთავარი მოთხოვნა კონფიდენციალურობა. 240 კვ.მ ფართობის მქონე 4 საძინებლიანი ეს მომხიბვლელი საცხოვრებელი სახლი 1929 წელს აშენდა. ის პატარა, მაგრამ ლამაზი ბაღითაა გარშემორტყმული და შეიძლებოდა იდეალურ სასიყვარულო ბუდედ ქცეულიყო, მაგრამ ნაცვლად ამისა, უბედური მერილინ მონრო სწორედ ამ სახლში გარდაიცვალა.