გოგოლა კალანდაძის რუბრიკა "სახლები" შეფმზარეულ გურამ ბაღდოშვილის სახლს სტუმრობდა. როგორც მასპინძელმა აღნიშნა, ძველებურ ეზოიან სახლს ოთხი წელი ეძებდა და 3 წლის შეიძინა. ჯერჯერობით კვლავ მოწყობის პროცესშია, თუმცა სახლს უკვე აქვს თავისი სტილი და დიზაინი. 
როგორც შეფმზარეული ამბობს, სახლი თავისი გემოვნებით მოაწყო, ამიტომ არის აქ ბევრი მცენარე და ნახატები, რაც მას ძალიან უყვარს. ასევე გამორჩეულია საკმაოდ დიდი საძინებლით და შუშაბანდიანი სივრცით, რომელიც სამომავლოდ მისაღები ოთახის ფუნქციას შეიძენს. აღსანიშნავია შედარებით პატარა სამზარეულო, რომელიც, ისევე როგორც სხვა ოთახები, სავსეა საინტერესო ნივთებით და სუვენირებით.