საჭრელი დაფის წმენდის ეფექტური, მარტივი და უსაფრთხო წესები

როგორც წესი, სამზარეულოში სულ მცირე სამი საჭრელი დაფა გვჭირდება ხოლმე - პურისთვის, ხორცისთვის და ბოსტნეულისთვის.
რა თქმა უნდა, თითოეულის გამოყენების შემდეგ ყოველი მათგანი საგულდაგულოდ უნდა გაირეცხოს. მხოლოდ ჭურჭლის სარეცხი სითხის გამოყენება ხშირად საკმარისი არ არის. საჭრელი დაფა უფრო ღრმა და საგულდაგულო წმენდას საჭიროებს.
შემოგთავაზებთ საჭრელი დაფის წმენდის რამდენიმე ძალიან მარტივ, ეფექტურ და სწრაფ მეთოდს.

1. ძმარი და ლიმონი მარილით

ხის დაფის ყველაზე ეფექტური წმენდის მეთოდი ძმარია. ამისთვის საკმარისია ჩაალბოთ დაფა ძმრიან ხსნარში პროპორციით ერთი-ერთზე, ასე ბაქტერიებსაც გაანადგურებთ და დაფას შავ

ლაქებსაც მოაშორებთ.
10 წუთის შემდეგ კარგად გაავლეთ დაფა, გაამშრალეთ, დააყარეთ მარილი და გადაუსვით ლიმონი. როდესაც მარილი დადნება, დაფაზე ლაქები გაჩნდება, რომელიც აუცილებლად უნდა ჩამოირეცხოს.
თუ ცოცხალი ლიმონი არ გაქვთ, შეგიძლიათ ის ლიმონის მჟავით ჩაანაცვლოთ.

2. საჭმელი სოდა

ეს მეთოდი ძალიან ეფექტურია დაფისთვის უსიამოვნო ხახვის, ნივრის ან სხვა სუნის მოსაშორებლად. გადაურიეთ სოდა წყალში ისე, რომ მიიღოთ პასტისებური მასა, წაუსვით ეს ნაზავი დაფას, გააჩერეთ ნახევარი საათი და კარგად გაავლეთ.

3. კარტოფილი

უსიამოვნო სუნის მოსაშორებელი კიდევ ერთი ეფექტური საშუალება უმი გახეხილი კარტოფილია. ისიც, ისევე როგორც სოდა, უნდა წაუსვათ დაფას, გააჩეროთ ნახევარი საათი და საგულდაგულოდ ჩამორეცხოთ.

4. კბილის პასტა

კბილის პასტის მეშვეობით დაუბრუნებთ თქვენ ხის დაფას სიპრიალეს და ასევე მოაშორებთ უსიამოვნო სუნს. წაუსვით დაფას კბილის პასტა, გააჩერეთ ცოტა ხანი, კარგად გაავლეთ და გაწმინდეთ ერთჯერადი სამზარეულოს ხელსახოცით.

5. სარეცხის საპონი

მუქი ფერის სარეცხის საპონი დაფის წმენდის უნივერსალური საშუალებაა, რომელიც მას სუნსაც მოაშორებს და ბაქტერიებსაც.

6. ალუმინის სახეხი
ამ მეთოდს გირჩევთ უკიდურეს შემთხვევაში მიმართოთ, რადგან ის ძალიან აზიანებს ხის დაფის ზედაპირს თუმცა კარგად ასუფთავებს.

7. ვაზელინი ან მინერალური საპონი

ეს მეთოდი გამოიყენება ხის დაფების საწმენდად, აშორებს მას ჭუჭყს, აპრიალებს და ქმნის დამცავ ფენას.

8. მცენარეული ზეთი