ძალიან თხელი ქსოვილი, ფერთა აღრევა, განათების იგნორი - აი, ის შეცდომები, რომელსაც ყველაზე ხშირად ვუშვებთ ხოლმე ლოგინის თეთრეულის შერჩევის დროს, რაც საბოლოო ჯამში განაპირობებს თქვენს ცუდ ძილსა და ინტერიერის დაუშნოებას.

წლების, დაახლოებით 10 წლის წინ მიღებული იყო, რომ ლოგინის თეთრეული, ფარდები, საწოლის გადასაფარებელი ერთი ფერის უნდა ყოფილიყო. ითვლებოდა, რომ ასე ინტერიერი იქნებოდა შეკრული და დახვეწილი.

დღესდღეობით სიტუაცია რადიკალურად შეიცვალა და ფარდის და გადასაფარებლის ფერისა და ფაქტურის თეთრეული უბრალოდ შეცდომად მიიჩნევა. უპირატესობა ენიჭება გეომეტრიულ ფიგურებსა და პრინტებს. მათ ჰარმონიულ შეხამებას.
თეთრეულის შერჩევის დროს ასევე ძალიან მნიშვნელოვანია ფაქტურა. თეთრეულის ქსოვილი არ უნდა იყოს ზედმეტად თხელი და სრიალა, ეს აუცილებლად შეგიშლით ძილში ხელს. აუცილებლად მიაქციეთ ყურადღება ხარია, რომ ქსოვილი იყოს ბუნებრივი და კარგად სუნთქავდეს. ასეთი ქსოვილი, როგრც წესი, ძალან უხდება ქანთრის და ლოფტის სტილს, კლასიკურ ინტერიერს კი მდგრადი ქსოვილი შეეფერება.

როგორც უკვე აღვნიშნეთ, იდენტური ქსოვილის ფარდა, გადასაფარებელი და ბალიშები, ასევე თეთრეული ძალიან მონოტონურად და მოსაწყენად გამოიყურება. ბევრად ეფექტურად გამოიყურება თეთრეული ორ ან სამ ფერში. ფერთა თამაში ინტერიერს ბევრად საინტერესოს და მიმზიდველს გახდის.
ის ფაქტორი, თუ საიდან შემოდის მზე, ძალიან მნიშვნელოვანია. თუ ოთახი ბნელია, გირჩევთ თეთრეული შედარებით თბილ ფერებში შეარჩიოთ, ხოლო თუ ოთახი კარგად არის განათებული, შეგიძლიათ თავს უფლება მისცეთ და შედარებით ცივი ფერები შეარჩიოთ.

ასევე ეცადეთ, რომ ლოგინის თეთრეულის ქსოვილის შემადგენლობაში არ იყოს შერეული სინთეტიკა. ასეთი ფაქტურა არც ისეთი სასიამონოა შეხების დროს. დიასახლისებმა კარგად უნდა იცოდნენ, რომ თეთრეულის შემადგენლობაში უმეტესი წილი ბუნებრივი ქსოვილი უნდა იყოს. სინთეტიკამ შესაძლოა კანის გაღიზიანება და აკნეც კი გამოიწვიოს.
და ბოლოს, თეთრეული ის შენაძენი არ არის, რომელზეც ეკონიმიის გაკეთებას გირჩევთ. თეთრეულის ხარისხი აუცილებად უმაღლესი უნდა იყოს, ნატურალური ქსოვილისგან დამზადებული.