შესანახი სისტემების ორგანიზების საუკეთესო იდეები - სამზარეულოში რომ მეტი წესრიგი იყოს

სამზარეულოში იდეალური წესრიგის დამყარება მარტივი საქმე ნამდვილად არ არის, თუმცა, შესაძლებელია. როგორ?

მოათავსეთ ნივთები ჭიქაში, ქილაში ან ლარნაკში

ყოველ ჯერზე აუცილებლი ნივთების უჯრიდან ამოღება არც ისე მოსახერხებელია, აი, ასე განთავსებული კი ბევრად მოსახერხებელია.

სართულებიანი თარო

თუ სამზარეულო პატარა ზომის გაქვთ, შესანახი სისტემის ორგანიზება ნამდვილად პროფესიონალურად უნდა დაგეგმოთ და მსგავსი თარო მისწრება იქნება.

გამოიყენეთ რეილინგი

მინიმალიზმის მოყვარულები ამ იდეას დიდი სიამოვნებით აიტაცებენ და მართლებიც იქნებიან, ეს ძალიან პრაქტიკულიც არის და ამავდროულად ტრენდული.

შეარჩიეთ ერთი ფერი

მართალია, შესანახი აქსესუარები პირველ რიგში ფუნქციონალური
ნივთებია, რომელიც პრაქტიკული უნდა იყოს, თუმცა ვიზუალის უგულვებელყოფა არ იქნება მართებული. ამიტომ ეცადეთ თითოეული ნივთისგან შექმნათ კომპოზიცია, ისე, რომ მოუხდეს ინტერიერს.

ორგანაიზერი ნიჟარაში

სივრცე ნიჟარასთან ცალკე განხილვის თემა. ეს ხომ ყველაზე ბინძური ზონაა, რომელსაც სისტემატური დასუფთავება სჭირდება. ამიტომ კარგი იქნება, თუ ყველა ღრუბელსა და აქსესუარს სათანდოდ დააბინავებთ.

სატრიალო სადგამი

ადგილის დაზოგვის მიზნით კიდევ ერთი კარგი იდეა მსგავსი ტიპის სატრიალო სადგამია.

აითვისეთ სივრცე ქურის ზემოთ

კვადრატული მეტრების სიმცირიდან გამომდინარე, პოტენციურ სივრცედ შეგიძლიათ განიხილოთ სივრცე ქურის ზემოთ.

გამოიყენეთ კედელი

შესანახი სისტემის მოძიების დროს უნდა იფიქროთ არა მხოლოდ ჰორიზონტალურ, არამედ ვერტიკალურ სივრცეზეც, მაგალითად კედელზე ან კარადის კარზე, ცუდი იდეა ნამდვილად არ არის.

კომენტარის დამატება

მსგავსი სიახლეები