ქალები, დიასახლისები ისე ვართ მოწყობილები, რომ გვერდს ვერ ვუვლით სამზარეულოს სხვადასხვა ფერად-ფერად აქსესუარებს. არადა, ბევრი ნივთის ადგილი სამზარეულოში უბრალოდ არ არის. მაგალითად:

ტეფლონის ჭურჭელი

ერთი შეხედვით ძალიან მოსახერხებელი ტეფლონის ზედაპირი, რომელიც არ იწვავს, არ იკრავს, არ საჭიროებს ბევრ ცხიმს, თუმცა კვლევებმა ცხადყო, რომ ის არც ისეთი უსაფრთხოა, როგორც ადრე გვეგონა. გარკვეულ ტემპერატურამდე გაცხელების შედეგად ტეფლონი გამოყოფს ჯანმრთელობისთვის საშიშ ნივთიერებებს, ამიტომ მის ქონას სამზარეულოში უბრალოდ არ გირჩევთ.

ბევრი სუნელის ქილა

სუნელების ქილები ნებისმიერ სამზარეულოში საჭიროა, თუმცა გარკვეული რაოდენობით, არა ისე, როგორც ჟურნალებში ხოლმე. საქმე ის გახლავთ, რომ რეალურ ცხოვრებაში ამდენ სუნელს არავინ იყენებს და არც გირჩევთ მათ სამზარეულოში ქონას, ის უბრალოდ მტვრის ბუდეა. იქონიეთ მხოლოდ ის სუნელები, რომელთაც რეგულარულად ხმარობთ.

ნაჭრის ფარდა

სამზარეულო სახლის ის ადგილია, სადაც ნაჭრის ფარდა ნამდვილად არ არის საჭირო, გვერწმუნეთ, ჟალუზი ან რომაული ფარდა სამზარეულოში ბევრად ეფექტური და პრაქტიკულია.

დეკორი

ჩვენ ვისაუბრეთ ტექსტილზე სამზარეულოში და დავრწმუნდით, რომ მისი ადგილი აქ არ არის, იგივეს თქმა შეიძლება დეკორის ელემენტებზე. სამზარეულო აგრესიული ადგილია, სადაც უხვად არის ცხიმი და მტვერი, ამიტომ აქ მხოლოდ ის ნივთები უნდა იყოს, რომელიც რეალურად გჭირდებათ ყოველდღიურად.

სილიკონის ჩასადები

მსგავსი ტიპის აქსესუარი ერთი შეხედვით ძალიან მოხერხებული ჩანს, თუმცა რეალურად ასე არ არის, ის უბრალოდ მიკრობების ბუდეა, ამიტომ უმჯობესია სამზარეულოდან მოაშოროთ.

გრილის ტაფა

გრილის ტაფა ნამდვილად არ არის ისეთი კომფორტული მოსახმარი, როგორც რეკლამებში ჩანს, ნამდვილად არ გირჩევთ მასში ფულის გადაყრას. მაღალი ხარისხის საკვების მომზადება მასში პრაქტიკულად შეუძლებელია.

პლასტმასის ნივთები

ეს ლამაზი პლასტმასის ნივთები მაღალ ტემპერატურაზე ეფექტურობით არ გამოირჩევა და შესაძლოა ჯანმრთელობისთვის სახიფათო ნივთიერებებსაც გამოყოფდეს.