უთო დიასახლისების უმრავლესობას არ უყვარს. ჩვენ გეტყვით, რომ ეს სულაც არ არის საგანგაშო. შეგიძლიათ ნივთები ისე გარცხოთ, რომ დაუთოება არ დასჭირდეთ. 
ტანსაცმლის რეცხვის დროს ყველაზე ხშირად იმ შეცდომას ვუშვებთ, რომ დოლურას ვავსებთ. ასე სარეცხის მანქანაზეც ვახდენთ ზედმეტ ზეწოლას და ტანსაცმელსაც ვაფუჭებთ. იმისათვის, რომ თავიდან აიცილოთ ზედმეტად დაკუჭული ტანსაცმელი, ეცადეთ სარეცხი მანქანაში სარეცხი თანდათან შეაწყოთ და თან დაახარისხოთ, ასე თქვენი ტანსაცმელი არ დაიკუჭება და ახალივით იქნება.
ასევე სასურველია, თუ ამის საშუალება არის, გამოიყენოთ რეცხვის დელიკატური რეჟიმი, ის ნივთებს პირვანდელი სახის შენარჩუნებაში ეხმარება. ეს არ ეხება, რა თქმა უნდა პირსახოცებსა და ლოგინის თეთრეულს, რომლის რეცხვაც მაღალ ტემპერატურაზეა რეკომენდებული.
ასევე ძალიან მნიშვნელოვანია, რომ ნივთები სარეცხის მანქანიდან რეცხვის დასრულებისთანავე გამოიღოთ, მანქანაში დიდხანს გაჩერება აუცილებლად დაკუჭავს თქვენს სამოსს.

სწორად გაშრობა ნამდვილად არის იმის გარანტია, რომ თქვენი ნივთები რეცხის შემდეგ ვიზუალურად არ შეიცვლება. სარეცხი მანქანიდან გამოღების შემდეგ კარგად გაასწორეთ ნივთი, სანამ საშრობზე ან თოკზე დაკიდებთ. ასევე ღირს საკიდების არჩევა, ქსოვილის ტიპის გათვალისწინებით, რათა ეცადეთ, რომ დაკიდების დროსაც ნივთებს ნაზად მოექცეთ და შესაბამისი ზომის და ფორმის საკიდი შეურჩიოთ.
თუ ავტომატურ საშრობს იყენებთ, ციკლის დაწყებამდე სცადეთ რამდენიმე ყინულის კუბის დამატება დოლურაში. პროცესის დროს ის დაიწყებს დნობას და, შესაბამისად, დაიწყებს ტენის აორთქლებას, რითაც ხელს შეუწყობს და ნაკეცების გასწორებას. ყინულის კუბურები ასევე დაგეხმარებათ გასაშრობი ნივთების ფორმისა და მთლიანობის შენარჩუნებაში, ეს შესანიშნავი გზაა თქვენი ნივთების ეფექტურად გაშრობის უზრუნველსაყოფად.
თუ გსურთ, რომ თქვენი ტანსაცმელი რეცხვის შემდეგ იყოს არა მხოლოდ სურნელოვანი და რბილი, არამედ არ იყოს ძალიან დაკუჭული, რეცხვის დროს გამოიყენეთ კონდიციონერი.

მშრალი ტანსაცმლის დამუშავება შესაძლებელია სპეციალური პროდუქტით, სახელწოდებით "თხევადი უთო". სპრეი იყიდება სპეციალიზირებულ მაღაზიებში. თქვენ ამ საშუალების მომზადება თავადაც შეგიძლიათ. საკმარისია ერთი ჩაის კოვზი კონდიციონერი, ორი ჩაის კოვზი ძმარი და სამასი მილილიტრი წყალი. შეურიეთ ყველა ინგრედიენტი ერთმანეთში, ჩაასხით სპრეის ბოთლში, გამოყენებამდე კარგად შეანჯღრიეთ, დაკიდეთ ნივთი საკიდებზე, შეასხურეთ სითხე და აცადეთ მთლიანად გაშრობა.
და ბოლოს, ნუ დაკეცავთ ნივთებს, გამოიყენეთ საკიდები და სამაგრები. ამ გზით თქვენ შეგიძლიათ თავიდან აიცილოთ ნაკეცები, ასევე შეგიძლიათ ზოგიერთი ნივთი გადაახვიოთ როლად, ეს მეთოდი შესაფერისია როგორც შალის ნივთებისთვის, ასევე ჯინსისთვის.