ნებისმიერ დიასახლისს შექმნია პრობლემა ქსოვილიდან საწერი კალმის, მელნის ლაქის ამოყვანასთან დაკავშირებით.

როგორ მოვიშოროთ მელანი შალის ქსოვილს
მელნის ლაქების მოსაშორებლად, აიღეთ გასუფთავებული ბენზინი, რომელიც ჩვეულებრივ გამოიყენება სანთებელების შესავსებად და წაუსვით ქსოვილის დაბინძურებულ ადგილზე. შეგიძლიათ ბენზინი შეურიოთ თხევად საპონს, ეს გაზრდის ლაქის მოცილების შანსებს. შემდეგ ტანსაცმელი უნდა გაირეცხოს, რომ ბენზინის სპეციფიკური სუნი არ დარჩეს.

ჩვეულებრივი სპირტიც უწყობს ხელს მელნის მოცილებას.
მსგავსი საშუალებების გამოყენება შესაძლებელია აბრეშუმის ქსოვილიდან მელნის ლაქების მოსაშორებლადაც.

როგორ მოვაშოროთ მელნის ლაქები ფერად ქსოვილს
მელანი ფერადი ქსოვილიდან შეგიძლიათ ამოიყვანოთ რძით. უბრალოდ გაჟღინთეთ დალაქავებული ადგილი რძით და შემდეგ კარგად გარეცხეთ წყალში გახსნილი საპნით და ბორაქსის ხსნარით. გახსენით 10 გრ პროდუქტი ნახევარ ჭიქა წყალში.
ფრთხილად იყავით სპეციალურ ლაქების მოსაშორებელ საშუალებებთან, განსაკუთრებით ფერად ქსოვილებთან მიმართებაში, წინააღმდეგ შემთხვევაში, ლაქასთან ერთად შეიძლება საღებავიც ამოიყვანოთ.

როგორ მოვაშოროთ ლაქა ტყავს

ტყავის ტანსაცმლიდან მელანის ამოღება შეგიძლიათ რძეში დასველებული ქსოვილის ან ღრუბლის გამოყენებით. მელანი ტყავიდან იწმინდება ალკოჰოლის და პემზის გამოყენებით.
ასევე ეფექტურია ნახევარი ჩაის კოვზი ამიაკის და იმავე რაოდენობის წყალბადის ზეჟანგის ნარევი.