როგორც წესი, ავტომატურად ვაჭერთ ღილაკებს ხელახლა შემდეგი რეცხვის ციკლის დასაწყებად და ვერც კი წარმოგვიდგენია, რომ სარეცხის მანქანას ვკლავთ. უახლესი თაობის სარეცხი მანქანებს აქვთ მრავალი სასარგებლო ფუნქცია და მათი რაოდენობა პირდაპირაა დამოკიდებულიამწარმოებლების ფანტაზიაზე.


ეჭვგარეშეა, სარეცხის მანქანა ბევრად აადვილებს ჩვენს ცხოვრებას. მაგრამ არც ერთი მოწყობილობა არ არის დაცული გაფუჭებისგან, მწყობრიდან გამოსვლისგან, რაც ხშირად მისი პატრონის ბრალიც არის ხოლმე. რომელ შეცდომებზეა საუბარი?

ფხვნილი დოლურაში

ბევრი ადამიანი აწყდება სარეცხი საშუალების განყოფილების დაბინძურების პრობლემას: ფხვნილის ან გელის ნარჩენები ილექება მისთვის განკუთვნილ განყოფილებაში. ამ პრობლემის მოგვარება, ანუ განყოფილების გარეცხვა არც ისე მარტივია, ამიტომ, ზოგიერთი მფლობელი იწყებს ფხვნილის ჩასხმას პირდაპირ მანქანის დოლურაში, თუმცა, ფხვნილის კონტეინერი შეიქმნა იმიტომ, რომ რეცხვის დროს მასში წყალი მიედინება მაღალი წნევით ქვეშ, რაც იწვევს სარეცხი საშუალების აქაფებას და მიდის იმ მდგომარეობამდე, რომ ეფექტურად გაუმკლავდეს ჭუჭყს.
როდესაც პროდუქტი ხვდება პირდაპირ დოლურაში, რეცხვის ეფექტურობა შესამჩნევად მცირდება, იზრდება ციკლის ხანგრძლივობა და ენერგიის მოხმარება. გარდა ამისა, ფხვნილის გრანულები ხშირად ბოლომდე არ იხსნება წყალში, დნება ნივთებზე და ტოვებს ლაქებს მათ ზედაპირზე.
მანქანის დოლურაში შესაძლებელია მხოლოდ სპეციალურად შექმნილი პროდუქტების მოთავსება: სარეცხი ფხვნილი ხელსახოცების (ფურცლების), კაფსულების და სარეცხი ტაბლეტების სახით.
ფხვნილის განყოფილება თვეში ერთხელ მაინც უნდა გაწმიდნოთ, რათა თავიდან აიცილოთ შემდგომი პრობლემები რეცხვის დროს.

ბევრი ფხვნილი

პრობლემები შეიძლება გამოიწვიოს სარეცხის ჭარბმა საშუალებამ.
ბევრს გონია, რომ რაც მეტია ფხვნილი, მით უკეთესად გაირეცხება ტანსაცმელი - მაგრამ ასე არ არის. ჭარბი ქაფი ხელს უშლის მოწყობილობის ნორმალურ მუშაობას და ხშირად ბლოკავს სადრენაჟო სისტემას.

 ბრუნვის მაღალი სიჩქარე

რა თქმა უნდა, მშვენიერია, როდესაც გარეცხილი ტანსაცმელი დოლურადან თითქმის მშრალი გამოდის. ეს მდგომარეობა მიიღწევა ბრუნვის მაღალი სიჩქარის დახმარებით, თუმცა მნიშვნელოვნად აზიანებს ქსოვილებს: მაგალითად, ბამბის ქსოვილები სწრაფად ფუჭდება და იშლება, ხოლო სინთეზურ ქსოვილებს უვითარდება ნაკეცები. თავად სარეცხი მანქანა ასევე განიცდის "კოსმოსურ" სიჩქარეს, რის გამოც მოწყობილობა იწყებს რხევას და ძლიერ ვიბრაციას, რაც იწვევს ნაწილების უფრო სწრაფ ცვეთას. ექსპერტების აზრით, იმისთვის, რომ აღჭურვილობა არ გაგიფუჭოთ, საკმარისია 400-600 ბრ/წთ სიჩქარე.

ჩამრთველში დატოვება

რატომღაც, ბევრი ფიქრობს, რომ სავსებით ნორმალურია მანქანის დენის წყაროში ჩართული დატოვება, თუნდაც რეცხვის დასრულების შემდეგ. ისინი ჩვეულებრივ ხსნიან თავიანთ ქმედებებს იმით, რომ საყოფაცხოვრებო ტექნიკის უმეტესობა, როგორც წესი, ასევე არ არის გამორთული: მაგალითად, მაცივრები, ტელევიზორები, ელექტრო ქვაბები, ნათურები. თუმცა, ეს მიდგომა არასწორია: უნდა გამორთოთ სარეცხი მანქანა.
ფაქტია, რომ მოწყობილობა შეიძლება დაიწვას დენის ტალღების გამო. არასოდეს გამოიყენოთ ან დატოვოთ თქვენი სარეცხი მანქანა ჩართული ჭექა-ქუხილის დროს, წინააღმდეგ შემთხვევაში აუცილებლად დაგჭირდებათ ძვირადღირებულ რემონტი.

სველი სარეცხი დოლურაში

ალბათ შეგიმჩნევიათ, რომ დროთა განმავლობაში მანქანას შეიძლება გაუჩნდეს უსიამოვნო მჟავე სუნი. ამის მთავარი მიზეზი არის ჭუჭყისა და კირის ნადები, რომლებიც ილექება რეზინაზე და დოლურაში. ამ პრობლემის თავიდან ასაცილებლად, შეეცადეთ რეცხვის შემდეგ სასწრაფოდ გამოიღოთ დოლურადან სველი სარეცხი. რა თქმა უნდა, არ უნდა დაგვავიწყდეს დოლურას შიდა ნაწილების გასუფთავება.

გამწმენდი პროდუქტების ხშირი გამოყენება

ლაპარაკია ნალექზე, რომელიც ადრე თუ გვიან ჩნდება მოწყობილობის შიდა ნაწილებზე ხისტი წყლის გამო - მისი ფორმირება კი დამოკიდებულია ტემპერატურაზე, რომელსაც ვირჩვეთ ხოლმე რეცხვის დროს.
აუცილებელია მოწყობილობის პერიოდულად გაწმენდა სპეციალური საშუალებების გამოყენებით (თუმცა ჩვეულებრივი ლიმონმჟავა ასევე კარგად უმკლავდება ამას). თუმცა, ბევრი ბოროტად იყენებს ამ პროდუქტს, არადა, ის საკმაოდ აგრესიულია დანადგარის ნაწილებისთვის, ამიტომ მანქანას ასეთი წმენდა უნდა ჩაუტარდეს ორ-სამ თვეში ერთხელ - არა უფრო ხშირად.