სიმინდის ტაროების შენახვა

სიმინდს მოაცილეთ ფოთლები, "ულვაშები", მოაჭერით ბოლოები, გარეცხეთ, კარგად შეამშრალეთ, შეფუთეთ პოლიეთილენში და გაყინეთ. ამგვარად სიმინდი 6 თვეს ინახება. შეგიძლიათ, სიმინდი პატარა ნაჭრებად დაჭრათ და ისე შეინახოთ.

სიმინდის მარცვლების შენახვა
თუ არ გსურთ მთლიანი ტაროების გაყინვა, არამედ მხოლოდ მარცვლების, რომლებსაც სალათში, რაგუში, წვნიანსა და სხვა კერძებში გამოიყენებთ, დამარცვლამდე სიმინდის ტარო ჩადეთ მდუღარე წყალში, წამოადუღეთ, შემდეგ მომენტალურად ყინულით სავსე ჯამში გადადეთ. გაციებულს, მჭრელი დანით ჩამოაჭერით მარცვლები, შეამშრალეთ, მოათავსეთ პოლიეთილენის პაკეტებში და გაყინეთ. შეგიძლიათ, ტაროს მოცილებული მარცვლები მოხარშვის გარეშეც გაყინოთ.