სამწუხაროდ, მშენებლები ხანდახან ყველაზე საჭირო ადგილს ყველაზე მცირე ფართს უთმობენ ხოლმე. ხშირ შემთხვევაში ბინებში კორიდორები ისეთი ვიწროა, რომ ვერც კი მოტრილადება კაცი. როგორ მოვაგვაროთ ეს პრობლემა?

1. აიღეთ კედელი

ყველაზე კარგ გადაწყვეტილებაა ვიწრო შესასვლელში კედლის მონგრევა და შესასვლელის გვერდით ოთახთან გაერთიანება. თუმცა, სანამ ამ გადაწყვეტილებას მიიღებთ, დარწმუნდით, რომ კედელი საყრდენი არ არის. ასევე შესაძლებელია კედლის ნაცვლად შუშის ტიხრის გაკეთება. ესეც საკმაოდ კარგი გადაწყვეტილება იქნება.

2. პრიალა ზედაპირები

თუ კორიდორის გასაფართოვებლად კედლის აღება შეუძლებელია, გადადით გეგმა ბ-ზე და გამოიყენეთ პრიალა ზედაპირები, რომელიც ირეკლავს სივრცეს. ეს დამატებითი ტერიტორიის ილუზიას შექმნის.

3. აამაღლეთ ჭერი

ვიწრო და გრძელი კორიდორი თავისთავად დიდი პრობლემაა, მაგრამ თუ ამას დაბალი ჭერიც ემატება, მაშინ საქმე კიდევ უფრო რთულდება. ამ დროს არსებობს ჭერის ვიზუალურად ამაღლების საშუალება, კედლები და ჭერი ერთ ფერში შეღებეთ, რათა არ ჩანდეს ერთი სივრციდან მეორეში გადასვლის ადგილი. მეორე პრიალა ჭერია, რომელიც ასევე აირეკლავს სივრცეს.

4. სარკეები

თუ მზად ხართ ჩვეულებრივზე მეტი დრო დაუთმოთ დასუფთავებას, უპირატესობა მიანიჭეთ სარკის კედელს, რომელიც ვიწრო დერეფანს შეჰმატებს ჰაერს და სივრცეს. უმჯობესია სარკე იყოს მინიმალისტური, რათა თქვენ და თქვენს სტუმრებს არ მოგიწიოთ კედელში "შესვლა".

5. ვიწრო კარი

სარკეები და ამრეკლავი ზედაპირები კარგია, მაგრამ მხოლოდ ამით არ უნდა შემოიფარგლოთ დერეფნის მოწყობისას. სივრცის ვიზუალურად გადიდების მრავალი უფრო მარტივი და დელიკატური გზა არსებობს. მაგალითად, კარის სიმაღლე, თუ ჭერი იძლევა ამის საშუალებას.

6. ფარდა 

გრძელი დერეფნის პროპორციების დასარეგულირებლად შეგიძლიათ გამოიყენოთ ფარდები. ის გაყოფს სივრცეს ორ ნაწილად, რაც საშუალებას მისცემს შეიქმნას ორი ფუნქციური ზონა: ერთი მათგანი იქნება გასასვლელი, ხოლო მეორე  - პირადი სივრცის.

7. გადაღებეთ კარი

ვიწრი დერეფანს მარტივად შეცვლით უბრალოდ კარის გადაღებვით.

8. კორიდორი გალერეა

თუ მაინც მოხდა ისე, რომ ვიწრო, გრძელი დერეფნის მეპატრონე აღმოჩნდით, შეგიძლიათ ის გალერეად აქციოთ და სულ სხვა ეფექტი მიანიჭოთ.