შეიძლება ძნელად დასაჯერებელია, მაგრამ როდესაც საქმე ოჯახსა და მისი წევრების კეთილდღეობას ეხება, ასეთ წვრილმან ნიუანსებსაც კი დიდი მნიშვნელობა აქვს.
მაღალსართულიანი სახლების, კორპუსებს მშენებლობა ქალაქებში გასული საუკუნის შუაში დაიწყეს. ექსპერტებმა მაშინვე დაიწყეს იმის კვლევა, თუ როგორ შეიძლება იმოქმედოს მაღალმა სართულმა ადამიანის ფსიქიკაზე, მის სომატურ ჯანმრთელობაზე.

საცხოვრებელი სართულის შერჩევას ადამიანი მთელი სერიოზულობითა და შეგნებით უნდა მოეკიდოს. სხვადასხვა სართული სხვადასხვა ენერგეტიკის მატარებელია, რაზეც საბოლოოდ მნიშვნელოვანწილად არის დამოკიდებული ადამიანის ბედი.
ისეც ხდება ხოლმე, რომ ადამიანის ნაცვლად ამას ბედისწერა წყვეტს და თავისით მივყავართ იმ სართულზე, რომელიც ჩვენს სამომავლო ბედისწერას განსაზღვრავს. მოდით ვნახოთ, რას ამბობენ ეზოთერიკოსები:

თუ მეოთხე სართულზე ცხოვრობთ, უნდა მიეჩვიოთ გადაწყვეტილებების მიღებას, სხვა ადამიანების მოსმენას და მათ გაგებას, მათთან საერთო ენის გამონახვას და კონფლიქტების თავიდან არიდებას.

მეშვიდე სართულზე მაცხოვრებლებისთვის ძალიან მნიშვნელოვანია საკუთარი თავის შეცნობა, წარუმატებლობების მიზეზების პოვნა და საკუთარი თავის დახვეწა, სრულყოფა.
მეათე სართული ადამიანს ენერგიას ანიჭებს და ლიდერობისკენ უბიძგებს. ადამიანისთვის ძალიან მნიშვნელოვანია აქტიურობა, თუმცა ეცადეთ, რომ ძალაუფლება ბოროტად არ გამოიყენოთ.
რაც შეეხება სართულების გავლენას ადამიანის ფიზიკურ ჯანმრთელობაზე, თერაპევტები მიიჩნევენ, რომ ქვედა სართულებზე ცხოვრება ძირითადად სარდაფს უკავშირდება და ამიტომ ხშირად ვხვდებით ისეთ დაავადებებს, რომელსაც იწვევს სოკო, ნესტი, ასფალტის მტვერი, გამონაბოლქვი აირები.
რაც შეეხება ზედა სართულებს, ის სახიფათოა ამა თუ ქარხნებისა და საწარმოს გამონაბოლქვის გამო, რომელიც დიდ ქალაქებს შთანთქავს ხოლმე. რაც უფრო მაღალაი სართული, მით მეტია ელექტრომოწყობილობების გავლენა. ითვლება, რომ სწორედ ამიტომ აწუხებთ ყველაზე ხშირად თავის ტკივილები და უხასიათობა მაღალ სართულებზე მაცხოვრებელ ადამიანებს.
ფსიქოლოგები და ეკოლოგები დარწმუნებულები არიან და ამტკიცებენ, რომ თუ გინდათ, იყოთ ჯანმრთელი, მეხუთე სართულზე მაღლა არ უნდა დასახლდეთ. ძალიან მნიშვნელოვანია ასევე ხედი ფანჯრიდან და ახლოს მდგომი მცენარეები, რათა სამომავლოდ ალერგიამ არ შეგაწუხოთ.