თუ ჯერ არ დაფიქრებულხართ იმაზე, რომელ ნივთებს შეიძლება დაემუქროს საფრთხე სველ და ნესტიან გარემოში, დროა ახლა დაფიქრდეთ და ეს მასალა წაიკითხოთ. ეს ერთ-ერთი მიზეზია, რის გამოც ახალი შესანახი ადგილი უნდა მოუძებნოთ თქვენს კოსმეტიკას, პირსახოცებს, სამკაულებს და ა.შ.

მაშ ასე, რა უნდა მოვაშოროთ აბაზანიდან:

კოსმეტიკა

ყველა ქალბატონმა კარგად უნდა დაიმახსოვროს, რომ ნებისმიერი კოსმეტიკა უნდა ინახებოდეს ოთახის ტემპერატურაზე.

პარფიუმი

იგივე ეხება სუნამოს თუ პარფიუმერულ წყალს, სითბო და ნესტი აფუჭებს პარფიუმის ხარისხს.

სამკაულები

ნესტი აბაზანაში აუცილებლად გაუფუჭებს ხარისხის თქვენს ყველაზე კარგი ხარისხის სამკაულებსაც კი.

ფრჩხილის ლაქი

მიუხედავად იმისა, რომ ფრჩხილის ლაქის შენახვის ვადა საშუალოდ ორი წელიწადია, მუდმივად ცვალებადი ტემპერატურა მას ბევრად ადრე გააფუჭებს. ამ ნივთს სტაბილური ტემპერატურა უხდება.

მედიკამენტები

აბაზანა სახლის აფთიაქის ადგილი ნამდვილად არ არის. ამ შემთხვევაშიც ცვალებადი ტემპერატურა პრეპარატებზე ძალიან ცუდად მოქმედებს.

მყარი საპონი

ბევრად მოსახერხებელია აბაზანაში თხევადი საპნის ხმარება, ასე დღეში რამდენჯერმე არ დაგჭირდებათ ნიჟარისა და სასაპნის რეცხვა.

ლოგინის თეთრეული

გამომდინარე იქიდან, რომ აბაზანაში ხშირად ჩნდება სოკო, პირსახოცების და თეთრეული შესანახ ადგილად აბაზანა ნამდვილად არ გამოდგება.

სამართებლის პირი

გირჩევთ აბაზანაში იქონიოთ მხოლოდ ის სამართებელი და მისი პირი, რომელსაც მოიხმართ, სათადარიგო პირი კი უმჯობესია სხვა ოთახში შეინახოთ, რათა არ დაბლაგვდეს. იგივე ეხება მაკრატელს.

წიგნები

თითქოს მოსახერხებელია აბაზანაში წასაკითხი წიგნის დატოვება, თუმცა გაითვალისწინეთ, რომ ნესტი ქაღალდს აუცილებლად გააფუჭებს.

ელექტრომოწყობილობები

არაფერი ჯობს შხაპის მიღების დროს საყვარელი სიმღერის მოსმენას, თუმცა გირჩევთ აუცილებლად წყალგაუმტარი ტექნიკა შეარჩიოთ და არავითარ შემთხვევაში არ დატენოთ ტელეფონი ნიჟარასთან ახლოს. წყლისა და დამტენის ურთიერთობამ შესაძლოა რეალური საფრთხე შეუქმნას ადამიანის სიცოცხლეს.