ამ უმნიშვნელო ქმედებებზე უარის თქმა დაგეხმარებათ დაზოგოთ ფული საკუთარი თავის ზიანის მიყენების გარეშე, ამავდროულად თავიდან აიცილებთ თქვენი საყოფაცხოვრებო ტექნიკის ცვეთას.
როდესაც დაზოგვაზე ვსაუბრობთ, ხშირად ვფიქრობთ გლობალურ საკითხებზე. მაგალითად, ბინის ქირის ღირებულების, იპოთეკის გადახდების, სასურსათო მაღაზიებიდან ქვითრების შესახებ. მაგრამ არის პატარა ყოველდღიური ჩვევები, რომლების გამოც ბევრად უფრო მეტი ხარჯის გაღება გვიწევს, თუმცა ამას ვერც კი ვამჩნევთ. მოდით ვნახოთ, რაზეა საუბარი.

ცხელი წყლის გადაჭარბებული გამოყენება
ჩვენ არ ვსაუბრობთ შხაპის არმიღებაზე ან ჭურჭლის ცივ წყალში რეცხვაზე, მხოლოდ ცხელი წყლის არაგონივრულ გამოყენებას ვგულისხმობთ. მაგალითად, გამორთეთ ონკანი კბილების გახეხვის ან ფეხის გაპარსვის დროს. სადილის მომზადების დროს კი მხოლოდ იმდენი წყალი მოუშვით, რამდენიც რეალურად გჭირდებათ.

სარეცხი და ჭურჭლის სარეცხი მანქანის არაეფექტური გამოყენება

ჭურჭლის სარეცხი მანქანა მხოლოდ მაშინ ჩართეთ, როდესაც ის სრულად არის დატვირთული. წინააღმდეგ შემთხვევაში, დღეში რამდენჯერმე მოგიწევთ ჩართვა - და ეს ძალზე ძვირი სიამოვნებაა.
ასევე, არ გარეცხოთ ჭურჭელი ჭურჭლის სარეცხ მანქანაში მოთავსებამდე. ამ გზით თქვენ ხარჯავთ დამატებით წყალს, ბოლოს და ბოლოს, ჭურჭლის სარეცხი მანქანა კარგად უმკლავდება ჭუჭყს. მთავარია, ჭურჭელი საკვების ნარჩენებისგან გაიწმინდოს, რომ ფილტრი არ გაიჭედოს.
რაც შეეხება სარეცხ მანქანას, უმჯობესია მინიმუმამდე დაიყვანოთ "სწრაფი რეცხვები". ეს რეჟიმი უფრო მეტ ენერგიას ხარჯავს, ვიდრე ჩვეულებრივი რეცხვა "ბამბის" რეჟიმში. ასევე, აირჩიეთ გრილი წყალი, როცა ლაქები არც თუ ისე მძიმეა. ეს შეამცირებს აპარატის ცვეთას და თქვენს კომუნალურ ხარჯებს, ასევე შეინარჩუნებს ქსოვილს. მოგეხსენებათ, ყოველი "ცხელი" რეცხვისას ნივთები თხელდება და ფერს კარგავს.

ელექტრო ტექნიკის 24/7 დამუხტვა

თქვენი ლეპტოპის დამტენთან მუდმივად დაკავშირება არც ისე ძვირი ღირს. მაგრამ თუ გავითვალისწინებთ ყველა იმ ტექნიკის ფასს, რომელიც ჩართული გაქვთ, თანხა უკვე შთამბეჭავი გამოდის, რომ აღარაფერი ვთქვათ იმაზე, რომ ბატარეის მუდმივი დატენვა იწვევს ცვეთას და მოწყობილობის სიჩქარის შემცირებას. ამიტომ, გამორთეთ ყველაფერი, რასაც არ იყენებთ. და თუ ტელეფონის დატენვა გჭირდებათ, არ დატოვოთ იგი ღამით. დატენეთ 80%-მდე და გამორთეთ. დადასტურებულია, რომ 100%-მდე დატენვა ისეთივე საზიანოა, როგორც თქვენი ტელეფონის ბატარეის სრული დაცლა.

მუდმივად ჩართული ტელევიზორი
ბევრ ჩვენგანს ავიწყდება ტელევიზორის გამორთვა ოთახიდან ან თუნდაც სახლიდან გასვლისას. ეს არის ენერგომოხმარება (ყოველივე ამის შემდეგ, მოწყობილობა მუშაობს უწყვეტად), რამაც ასევე შეიძლება გამოიწვიოს მოკლე ჩართვა, რადგან ტელევიზორი მუდმივი ძაბვის ქვეშ იმყოფება.
ასევე, ოთახიდან გასვლისას ჩააქრეთ შუქი, გამოიყენეთ სპეციალური ენერგიის დაზოგვის ნათურები.