ცეცხლი იმაზე მეტად პოტენციურად საშიში წყაროა, ვიდრე ფიქრობთ. ცეცხლის კერა ხშირად ერთი შეხედვით უვნებელი ნივთები ხდება ხოლმე. შეამოწმეთ ეს ნივთები თქვენს სახლში და იყავით ფრთხილად.


ელექტრო საბანი და ლეიბი

ათასობით ადამიანმა მთელ მსოფლიოში უკვე დააფასა ეს გაჯეტი. თბილი საბანი გეხმარებათ ზამთრის ცივ ღამეში, მაგრამ არასწორად გამოიყენების შემთხვევაში ამ ძალიან სასიამოვნო ნივთმა შეიძლება სახლში ხანძარიც კი გამოიწვიოს. არ დაუშვათ მასზე შინაური ცხოველების დაძინება და არასოდეს დაფაროთ ელექტრო საბანი სხვა ნივთებით. ჩართეთ გათბობა მინიმუმამდე და ყოველთვის გამორთეთ გაჯეტი დილით.

მტვერი
ეს რთული დასაჯერებელია, მაგრამ მტვერმა შეიძლება გამოიწვიოს ხანძარი იმ შემთხვევაში თუ ის დაგროვდება ელექტრომოწყობილობებზე და მის გარშემო, განყოფილებებში და თუნდაც გაცხელებულ იატაკზე. ასე რომ, არ გადადოთ დასუფთავება დიდი ხნით.

დამაგრძელებელი
ექსპერტები არ გვირჩევენ დამაგრძელებელი კაბელის მუდმივად გამოყენებას. ეს მოწყობილობები შექმნილია დროებითი გამოყენებისთვის – და აი რატომ. რამდენიმე სადენის ერთ განყოფილებაში დაკავშირება იწვევს ელექტროსადენების გადატვირთვას, ელექტრულ წრეს, რამაც შეიძლება გამოიწვიოს მოკლე ჩართვა.

საშრობის ფილტრი


საშრობი, რომელიც შექმნილია ცხოვრების გასაადვილებლად, შესაძლოა სახიფათო აღმოჩნდეს ადამიანებისათვის. საქმე ის გახლავთ, რომ მოწყობილობის ფილტრი აგროვებს დიდი რაოდენობით მტვერს. გაცხელების შემთხვევაში ეს მასა ადვილად შეიძლება აალდეს, რამაც შეიძლება გამოიწვიოს ხანძარი. ამის თავიდან ასაცილებლად, რეგულარულად გაასუფთავეთ ფილტრი ჭუჭყისაგან.

ლეპტოპი

ლეპტოპების უმეტესობა ძალიან ცხელდება დიდი ხნის განმავლობაში გამოყენებისას. გაითვალისწინეთ ეს, როდესაც ტოვებთ აღჭურვილობას საწოლზე, სუფრაზე ან სხვა აალებად ზედაპირებზე. მუშაობის შემდეგ, ლეპტოპი აუცილებლად უნდა გამორთოთ ქსელიდან.

ნათურები

თავად ნათურები არ არის საშიში, მაგრამ მათი არასათანადო გამოყენება საშიშია. თუ გადაწყვეტთ 60 ვატიანი ნათურის შეერთებას 40 ვატიან ჩამრთველში, შეჩერდით! მსგავსმა ქმედებამ შესაძლოა გამოიწვიოს მოკლე ჩართვა.

ელემენტები
თუ უჯრაში 9-ვოლტიან ბატარეას ინახავთ, ამას არასწორად აკეთებთ. როდესაც მისი ნაწილები შედის კონტაქტში ლითონის ობიექტებთან, მაგალითად ქაღალდის სამაგრებთან, შეიძლება მოხდეს მოკლე ჩართვა.

ცხოველები
შინაურმა ცხოველებმა შესაძლოა უბრალოდ გადაღრღნან ელექტრო სადენები კბილებით, რამაც შესაძლოა გამოიწვიოს მოკლე ჩართვა.

სამზარეულოს გამწოვი

რამდენად ხშირად ასუფთავებთ სამზარეულოს გამწოვს? თუ ამას არარეგულარულად გააკეთებთ, მოწყობილობა დაიწყებს ცხიმისა და ჭუჭყის დაგროვებას, რამაც შეიძლება გამოიწვიოს ხანძარი.