გერანი, იგივე ბალბა ძალიან ლამაზი ოთახის მცენარეა, რომელიც ნებისმიერ დიასახლისს გაუხარებს გულს. ყვავილობის დროს ამ მცენარის არომატი სახლს დადებითი ენერგეტიკით ავსებს და განწყობაზე დადებითად მოქმედებს. თუმცა ერთი უარყოფითი მხარე ამ ყვავილს მაინც აქვს.
დღეს ჩვენ შევეცდებით აგიხსნათ, რატომ არ უნდა იქონიოთ გერანი საძინებელში.

გერანი ძალიან ადვილი მოსავლელი ყვავილი, მზე და წყალი საკმარისია იმისთვის, რომ იყვავილოს და ადამიანები გაახაროს.
სამზარეულოში სიმყუდროვის სიმბოლოდ ითვლება. აღარაფერს ვამბობთ მის სასარგებლო თვისებებზე. ამშვიდებს, ხელს უწყობს ადამიანს მოდუნებაში, სახლის ატმოსფეროს საგრძნობლად აუმჯობესებს, ამბობენ, რომ ავი თვალისგანაც კი იცავს.

თუმცა არის შემთხვევები, როდესაც გერანმა შესაძლოა ადამიანზე უარყოფითად იმოქმედოს.
არსებობს მოსაზრება, რომ თუ გერანს ადგილს საძინებელში მიუჩენს ქალბატონი, ის მარტოობისთვის არის განწირული.
ამ ყვავილს თურმე ისე ძალიან უყვარს თავისი პატრონი ქალბატონი, რომ მის გაყოფას ვინმესთან უბრალოდ ვერ იტანს.

თავისი დამცავი ენერგიით გერანი დევნის მამაკაცებს საძინებლიდან ან უბრალოდ არ უშვებს მათ იქ.

ეს, რა თქმა უნდა, მეცნიერული აზრი არ გახლავთ და მხოლოდ ხალხის მიერ გავრცელებული მოსაზრებაა, თუმცა ნათქვამია, კვამლი ცეცხლის გარეშე არ არსებობსს და ჩვენც გირჩევთ ამ ყვავილს მაინცდამაინც საძინებელში ნუ მოათავსებთ, მით უმეტეს, რომ მეცნიერულადაც დამტკიცებულია, რომ გერანის აორთქლებული ეთერზეთები ადამიანის ჯანმრთელობაზე არც ისე დადებითად მოქმედებს.